ഹൃദയത്തിന്റെ കാവൽക്കാരൻ

ഭൂമുഖത്തെ എണ്ണായിരത്തിലധികം മനുഷ്യരുടെ ഹൃദയത്തെ തൊട്ട ഒരാൾ. ഡോ.മുരളി വെട്ടത്തിൻറെ ജീവിതകഥയിലെങ്ങും നിറയുന്നത് ഹൃദയത്തെക്കുറിച്ചുള്ള ഓർമകൾ മാത്രം

- ബിജു രാഘവൻ

പ്രമുഖ ജ്യോത്സ്യനായിരുന്നു ആ രോഗി. ജയലളിതയുടെ 'തിരഞ്ഞെടുപ്പ് വിജയവും ശ്രീലങ്കൻ പ്രധാനമന്ത്രിയുടെ പരാജയവുമൊക്കെ പ്രവചിച്ച മനുഷ്യനാണ് ഹൃദ്രോഗിയായി ഡോക്ടറുടെ മുന്നിലെത്തിയിരിക്കുന്നത്. കുറെ വാഹനങ്ങളുടെ അകമ്പടിയും പരിവാരങ്ങളായി ആരാധകരും. ആ വരവ് കണ്ടപ്പോൾ ഡോക്ടർ പോലും ഒന്ന് ഞെട്ടിപ്പോയി.