കുഞ്ഞിക്കിളിയുടെ മോഹം

പടർന്നു പന്തലിച്ചുകിടക്കുന്ന ഒരു വൃക്ഷത്തിലാണ് തള്ളക്കിളിയും കുഞ്ഞിക്കിളിയും താമസിച്ചിരുന്നത്. അതിനടുത്ത് മറ്റൊരു വൻമരത്തിൽ കുറേ വവ്വാലുകളും കൂട്ടത്തോടെ താമസിച്ചിരുന്നു. ചില മരങ്ങളിൽ മൂങ്ങകളും പാർത്തിരുന്നു.

പലപ്പോഴും കുഞ്ഞിക്കിളി വവ്വാലുകളേയും മൂങ്ങകളേയും ശ്രദ്ധിച്ചിരുന്നു. പകൽ മുഴുവൻ മരക്കൊമ്പുകളിൽ കഴിയുന്ന വവ്വാലുകളും മൂങ്ങകളും രാത്രിയാകുമ്പോൾ ഇരതേടി പറന്നു പോകും.