అసలైన న్యాయం

వేసు సవి సెలవుల్లో చీకూ కుందేలు ఇంట్లో "ఒంటరితనంతో బాధపడుతున్నాడు

- కథ కుముద్ కుమార్

వేసు సవి సెలవుల్లో చీకూ కుందేలు ఇంట్లో "ఒంటరితనంతో బాధపడుతున్నాడు. అతని స్నేహితులు తల్లిదండ్రులతో కలిసి పర్వతాలు ఇతర ప్రదేశాలు చూడడానికి వెళ్లారు. కానీ ఈసారి చీకూ వాళ్ల నాన్న ఎక్కువ పని ఉండడంతో అతన్ని బయటకు తీసుకువెళ్ల లేకపోయాడు.

స్నేహితులు లేకపోవడంతో చీకూకు చాలా బాధగా ఉంది.

అతని విచారం చూసి వాళ్లమ్మ “చీకూ, నువ్వు, నేను అమ్మమ్మ వాళ్లింటికి వెళ్లొచ్చు కదా?” అని అడిగింది.

సంతోషంతో ఎగిరి గంతేసాడు చీకూ.ఢిల్లీలో చాలా విసుగు చెందిన చీకూ ఎంతో కాలంగా ఆ గ్రామాన్ని సందర్శించాలి.అనుకున్నాడు.

మరుసటి రోజు వాళ్లు బస్సు ఎక్కి గ్రామానికి చేరుకున్నారు. గ్రామంలోని జంతువులు నదిలో సరదాగా గడపడం, బయట కబడ్డీ, కుస్తీ, దాగుడుమూతలు లాంటి ఆటలు ఆడటం చీకూ చూసాడు.

త్వరలోనే అతను జంపీ కోతి, సెల్లీ ఉడుత, గిగీ జిరాఫీ, బ్లాకీ ఎలుగుబంటి, కామీ ఆవుదూడలతో స్నేహం ఏర్పరుచుకున్నాడు.వాళ్లందరితో సరదాగా గడిపాడు. ఢిల్లీలో అతనికి కొద్దిమంది స్నేహితులే ఉన్నారు.వాళ్లు చాలా దూరంలో నివసించేవారు. కానీ ఇక్కడ ఊర్లో మాత్రం అతనికి అందరు తన స్నేహితులనిపించింది.

ఒక రోజు అంతా కలిసి ఒక ప్రత్యేకమైన ఆట ఆడాలనుకున్నారు. దానికి 'కోర్ట్ రూమ్' అని పేరు పెట్టారు. జంపీకి కుర్చీ ఏర్పాటుచేసారు.దానికి ముందు ఒక టేబుల్ వేసారు. టేబుల్పై చెక్కతో చేసిన సుత్తి పెట్టారు. కుర్చీ వెనుక నల్ల గంతలు కట్టుకుని చేతిలో త్రాసు పట్టుకుని ఉన్న న్యాయ దేవత చిత్రాన్ని చెట్టుకి వేలాడదీసారు. జంపీ కుర్చీలో కూర్చోగానే న్యాయమూర్తిగా మారిపోయాడు. జంతువుల వివాదాలను పరిష్కరించసాగాడు.

ఈ ఆటను ఆస్వాదించిన చీకూ తాను కూడా జడ్జి కావాలనుకున్నాడు.

అతని ఉత్సాహం చూసి జంపీ “చీకూ కొత్తవాడు కాబట్టి ఇప్పుడతన్ని జడ్జీగా నియమిద్దాం. మనమంతా అతని ముందు కేసులు వినిపిద్దాం. వివాదాలను ఎలా పరిష్కరిస్తాడో చూద్దాం" అన్నాడు.

చీకూ చాలా సంతోషించాడు. జడ్జిగా మారగానే సుత్తితో టేబుల్పై కొట్టాడు. జంతువులు నిశ్శబ్దంగా మారిపోయాయి. సుత్తి శబ్దం చీకూకి నచ్చింది.

కొద్దిసేపటికి సెల్లీ వృద్ధురాలి వేషంలో కర్ర సహాయంతో చీకూ కోర్టులోకి ప్రవేశించాడు.తర్వాత ఏమవుతుందోనని జంతువులన్నీ రహస్యంగా ఆ దృశ్యాన్ని చూస్తున్నాయి.

“తర్వాతి వాది అప్రోచ్ కావచ్చు” గట్టిగా అరిచి చెప్పాడు బ్లాకీ.