పాఠం నేర్చుకున్న పీయూష్

పాఠం నేర్చుకున్న పీయూష్

- కథ • డా.కె. రాణి

అర్థ వార్షిక పరీక్షలు ముగియగానే పీయూష్ ఊపిరి పీల్చుకున్నాడు.

“డాడీ, నా పరీక్షలు అయిపోయాక మీరు నన్ను విహార యాత్రకు తీసుకువెళ్తానని మాట ఇచ్చారు” అని అడిగాడు పీయూష్

“నాకు గుర్తుంది. వచ్చే వారంలో నాకు రెండు రోజుల సెలవు ఉంది. అప్పుడు తప్పకుండా మనం ఎక్కడికైనా వెళ్లాం.”

 “డాడీ, నాకు విహార యాత్ర ఇష్టం లేదు. ఏదైనా నది పక్కన పిక్నిక్కి వెళ్లాం. అక్కడ కొన్ని గంటలు గడిపి తిరిగి వద్దాం.”

“నీ స్నేహితులనూ పిలుస్తావా?” అడిగాడు వాళ్ల నాన్న.

“అవును. దయచేసి మీరు మయాంక్, రిషి వాళ్ల తండ్రులతో మాట్లాడుతారా? వారు తప్పకుండా పిక్నిక్కి వస్తారని అనుకుంటున్నాను.”

 “సరే, మాట్లాడుతాను. అక్కడ ఆడుకోడానికి నీకు, పాయల్కి స్నేహితులు లభిస్తారు.”

“డాడీ, మీకూ చాట్ చేయడానికి, సరదాగా గడపడానికి స్నేహితులుంటారు.”

పీయూష్ నాన్న మయాంక్, రిషీల తండ్రులతో మాట్లాడాడు. పిక్నిక్కి పంపించడానికి వారు ఒప్పుకున్నారు. మొత్తంగా ఒక డజను మంది రావడానికి సరేనన్నారు. వాళ్లు నగరానికి దూరంగా రద్దీ లేని ఏకాంత ప్రదేశాన్ని ఎంచుకుని అక్కడే వంట చేయాలని ప్లాన్ చేసుకున్నారు.

పీయూష్, రిషీ, మయాంక్లలు రోజంతా గడపడానికి కావలసిన ఏర్పాట్లు చేసుకున్నారు.ఆడుకోవడానికి ఎన్నో వస్తువులు తీసుకువచ్చారు.పిక్నిక్ కోసం రకరకాల ఆహార పదార్థాలు తయారుచేసుకుని ఒక నది ఒడ్డుకు చేరుకున్నారు.అక్కడికి చేరుకోగానే వారిలో ఆనందం వెల్లి విరిసింది. ఒకవైపు నది, మరోవైపు అడవి, మధ్యలో ఇసుక ఉంది. ఒక కార్పెట్ పరిచి దానిపై తమ వస్తువులను పెట్టారు.

అడవి జంతువులు వచ్చే ప్రమాదం ఉంది. కానీ వారి గ్రూపులో మొత్తం పన్నెండు మంది ఉన్నారు.కాబట్టి ఏ జంతువు వారిని చేరడానికి ధైర్యం చేయదు. తమ భద్రత కోసం వెంట కర్రలను తెచ్చుకున్నారు. తివాచీలపై అంతా కాసేపు విశ్రాంతి తీసుకున్నారు. పైన ఒక పెద్ద టెంటు ఏర్పాటు చేసుకున్నారు.

“తినడానికి ఏమైనా తయారుచేద్దాం” అన్నాడు దేవేశ్.

సమీపంలోని రాళ్లను సేకరించి పొయ్యి తయారుచేసారు. కట్టెలు తెచ్చి దాన్ని వెలిగించారు.రేఖ, భావన, మీరాలు వంట మొదలు పెట్టారు.దేవేశ్, అశుతోషు వారికి సహాయ పడ్డారు. అమర్ ఇసుకలో పిల్లలతో ఆడుకోసాగాడు.