കുട്ടിക്കാലം

അടുത്തിടെ അന്തരിച്ച ചിത്രകാരൻ എ. രാമചന്ദ്രന്റെ ജീവരേഖകൾ എന്ന പുസ്തകത്തിൽ നിന്ന്.

- എ. രാമചന്ദ്രൻ

ഓരോ ചിത്രകാരനും അയാളുടെ ആയുസ്സിനിടയ്ക്ക് ഒരു 'മൊണാലിസ'യെങ്കിലും പെയിന്റ് ചെയ്യുന്നു. ഞാനെന്റെ മൊണാലിസ'യെ വരയ്ക്കുന്നത് പന്ത്രണ്ടു വയസ്സു മാത്രമുള്ളപ്പോഴാണ്. പെൺകുട്ടിയല്ല എന്റെ ഒരു സുന്ദരി മൊണാലിസ. എന്റെ മോഡൽ അമ്പതു കഴിഞ്ഞ ഞങ്ങളുടെ വേലക്കാരിയായിരുന്നു. ഒരു കണ്ണു നഷ്ടപ്പെട്ടതിനാൽ സംസാരിക്കുമ്പോൾ അവരുടെ മറ്റേ കണ്ണ് മിന്നിത്തിളങ്ങുകയും ചിരിക്കുകയും ചെയ്യും. ചെറുപ്പകാലത്ത് ഞാൻ കണ്ട് പുകവലിക്കാരിയും അവരായിരുന്നു. സ്നേഹനീരസങ്ങളാൽ സമ്മിശ്രമായ ഒരു ബന്ധമായിരുന്നു ഞങ്ങളുടേത്.