അക്യുപങ്ചർ

ഇന്ത്യയിൽ അക്യുപങ്ചർ എന്ന ചികിത്സാരീതി ഇന്ന് പല ആളുകളും പിന്തുടരുന്നുണ്ട്. ഇതൊരു സമാന്തര ചികിത്സയായി കരുതുന്നവരുമുണ്ട്. അക്യുപങ്ചർ ചികിത്സയെക്കുറിച്ച് കുറച്ചു കാര്യങ്ങൾ മനസ്സിലാക്കാം.

- ഡോ. യു. നന്ദകുമാർ

1368 -1644 കാലത്താണ് അക്യുപങ്ചർ എന്ന ചികിത്സാരീതിയെ ക്കുറിച്ച് കൂടുതലായി പഠിക്കുന്നത്. ആരോഗ്യം എന്ന വിഷയത്തിൽ ഒരു ഗ്രന്ഥം ഉണ്ടാകുന്നതും ഇക്കാലത്താണ്.

ശരീരത്തിലെ ആന്തരിക അവയവങ്ങളെന്തെല്ലാമാണെന്നോ അവയുടെ പ്രവർത്തനങ്ങൾ എന്തെല്ലാം രീതിയിലാണെന്നോ അന്ന് അറിഞ്ഞിരുന്നില്ല. ശരീരശാസ്ത്രം എന്നൊരു പാഠ്യപദ്ധതി ആരും കണ്ടെത്തിയിരുന്നില്ല. ശരീരം കീറിമുറിച്ചു നിരീക്ഷിക്കൽ നിയമം മൂലം തടഞ്ഞിരുന്നു. അതിനാൽ വ്യക്തികളെ നോക്കിക്കണ്ട് സൃ ഷ്ടിക്കുന്ന ധാരണകൾ മാത്രമായിരുന്നു അന്നത്തെ ശാസ്ത്രം.

ഇത് അബദ്ധ ധാരണകളുണ്ടാക്കുകയാവും പലപ്പോഴും ചെയ്യുക. ശരീരത്തിലെ പല രോഗാവസ്ഥകൾക്കും കാരണം ആന്തരികാവയ വങ്ങൾക്ക് ഉണ്ടാകുന്ന വ്യതിയാനങ്ങൾ ആകാമെന്ന അറിവ് പതി മൂന്നാം നൂറ്റാണ്ടു മുതൽ യൂറോപ്പിൽ ശക്തമായിരുന്നു.