മെല്ലെയൊന്നു പാടി നിന്നെ...

പാട്ടിൽ ഈ പാട്ടിൽ

- ജ്യോത്സ്ന രാധാകൃഷ്ണൻ

“മനസ്സിനക്കരെ' എന്ന ചിത്രത്തിൽ ഗിരീഷ് പുത്തഞ്ചേരി എഴുതിയ "മെല്ലെയൊന്ന് പാടി നിന്നെ ഇത്രയും കാലത്തെ എന്റെ കരിയറിൽ ഞാൻ ഏറ്റവും സന്തോഷത്തോടെയും അഭിമാനത്തോടെയും കൊണ്ടുനടക്കുന്ന പാട്ടാണ്. സംവിധായകൻ സത്യൻ അന്തിക്കാട് വിളിച്ച് അച്ഛനോടാണ് സംസാരിച്ചത്. പുതിയ സിനിമയിൽ ഒരു പാട്ടുണ്ട്, ഇളയരാജയാണ് സംഗീതം. ജ്യോത്സ്നയുമായി ചെന്നൈയിലേക്ക് വരണം, രാജാസാറിന്റെ പേര് കേട്ട സന്തോഷത്തിൽ അച്ഛൻ എന്നോട് കാര്യം പറഞ്ഞു. ഞാനാകെ പേടിച്ചു പോയി. എന്നെ കൊന്നാലും ഞാൻ പോകില്ല. എന്നെക്കൊണ്ട് പറ്റില്ല രാജാസാറിന്റെ പാട്ടുപാടാൻ' എന്നു പറഞ്ഞ് ഞാൻ കരച്ചിൽ തുടങ്ങി. എനിക്ക് ഒട്ടും ആത്മവിശ്വാസം ഇല്ലായിരുന്നു. രാജാ സാറിനെ എന്നെങ്കിലും നേരിൽ കാണും എന്ന് സ്വപ്നത്തിൽ പോലും വിചാരിക്കാത്ത കാലമാണ്.