പ്രതികരിക്കുന്നവർക്ക് ധാരാളം മാർഗ്ഗങ്ങളുണ്ട് നിത്യാമേനൻ ഒരു ശ്രദ്ധേയമായ പാൻ ഇന്ത്യൻ താരം എന്ന കീർത്തി സ്വന്തമാക്കിയ നടിയാണ് നിത്യാമേനൻ.

തന്റെ വ്യത്യസ്ത മായ അഭിനയശൈലി കൊണ്ടും തെരഞ്ഞെടുക്കുന്ന കഥാപാത്രങ്ങളുടെ പ്രത്യേകതകൾ കൊണ്ടും തന്റേതായ സ്ഥാനം നേടിയെടുക്കാൻ നിത്യയ്ക്ക് സാധിച്ചു. പുതിയ വിശേഷങ്ങളുമായി നിത്യ 'നാന'യ്ക്കൊപ്പം.

- പ്രതീഷ് ശേഖർ

19(1) aഎന്ന ചിത്രം ചർച്ചാവിഷയമാവുകയാണ്. അതിലെ കഥാപാത്രത്തെപ്പോലെ തന്നെ നിശ്ശബ്ദത ഇഷ്ടപ്പെടുന്ന ഒരു വ്യക്തിയാണോ നിത്യ?

അതെ. സൈലൻസ് എനിക്ക് ഏറെ ഇഷ്ടമാണ്. വീട്ടിലും ഞാൻ പൊതുവേ സൈലന്റാണ്.

ഈ ചിത്രത്തിലേക്ക് എത്തിയത്?

കഥയുമായി സംവിധാനം ചെയ്യാൻ താൽപ്പര്യമുള്ള ഇന്ദു വി.എസ്. വീട്ടിൽ വന്നിരുന്നു. കേട്ടപ്പോൾ തന്നെ ഇഷ്ടമായി. മറിച്ചൊരു ചിന്തയും പിന്നീട് തോന്നിയില്ല. ഇറ്റ് വാസ് ബ്യൂട്ടിഫുൾ.

വിജയ് സേതുപതിയുമായുള്ള അഭിനയത്തെക്കുറിച്ച്

വളരെ സ്വാഭാവികതകളുള്ള നടനാണ് വിജയ് സേതുപതി. ഞങ്ങൾ തമ്മിൽ നല്ല കെമിസ്ട്രി ആയിരുന്നു. പല സീനുകളിലും അഭിനയിക്കുകയാണെന്നു പോലും തോന്നാതെ വളരെ ഈസിയായിട്ടാണ് ഞങ്ങൾ ഇരുവരും അഭിനയിച്ചത്. അദ്ദേഹവുമായി വീണ്ടും പല ചിത്രങ്ങളുടെ ഭാഗമാകാനും താൽപ്പര്യമുണ്ട്. വളരെ ഈസി ഗോയിംഗ് ആയിരുന്നു; എഫർട്ലെസ്സും.

ആ സിനിമ നൽകുന്ന സന്ദേശം ഏറെ ശ്രദ്ധേയമാണല്ലോ? അതെ. പ്രതികരിക്കണമെങ്കിൽ, ഏത് വിഷയത്തെ കുറിച്ചാണെങ്കിലും, ധാരാളം വഴികളുണ്ടെന്ന് വ്യക്തമാക്കുന്ന ചിത്രമാണിത്. കൂട്ടത്തോടെ തന്നെ ആകണമെന്നില്ലല്ലോ. ഒറ്റയ്ക്കും പ്രതികരിക്കാം. ചിത്രത്തിലെ കഥാപാത്രത്തെ പ്പോലെതന്നെ ഞാനും സൈലന്റായി പ്രതികരിച്ചിട്ടുണ്ടാകും എന്നെനിക്ക് തോന്നി. എന്റെ തീരുമാനങ്ങൾ, ജീവിതം, തെരഞ്ഞെടുക്കുന്ന വിഷയങ്ങൾ എന്നിവയിലൂടെയാണ് എന്റെ പ്രതികരണം. എന്റെ ജീവിതം തന്നെയാണ് അതിന് തെളിവ്.