ഇൻഡസ്ട്രിയെ ബാധിച്ചിട്ടുള്ള കോവിഡാണ് സോഷ്യൽ മീഡിയാ റിവ്യൂസ് - ഷെയിൻ നിഗം

അമ്മയാണ് ഷെയിൻ നിഗത്തിന്റെ മാനേജർ, കഥ കേൾക്കുന്ന കാര്യത്തിലുൾപ്പെടെ ആത്മവിശ്വാസം പകർന്ന് കരുത്തായി നിഴൽ പോലെ അമ്മ കൂടെയുണ്ട്. മലയാള സിനിമയിലെ ശ്രദ്ധേയനായ ഈ യുവതാരത്തിന് ഇപ്പോൾ കൈനിറയെ ചിത്രങ്ങളുണ്ട്. പ്രേക്ഷകർ ഹൃദയത്തോട് ചേർത്ത് നിർത്തിയ ചിത്രങ്ങളിലൂടെ അനുഭവവേദ്യമായ കഥാപാത്രങ്ങൾക്ക് ജീവൻ നൽകിയാണ് ഷെയിൻ നിഗം യുവതാരനിരയിൽ തന്റേതായ ഇടം കണ്ടെത്തിയത്.

- എം.എസ്.ദാസ് മാട്ടുമന്ത

ക്യാമറയുടെ മുന്നിലെത്തുമ്പോൾ കഥാപാത്രത്തിന്റെ സ്വഭാവ സവിശേഷതകൾക്കനുസൃതമായി ഇഴുകിച്ചേരാൻ ഷെയിൻ നിഗത്തിന് നിമിഷങ്ങൾ മതി. സിനിമയുടെ തിരക്കുകൾക്കിടയിലാണ് 26 മിനിറ്റ് ദൈർഘ്യമുള്ള സംവേർ ( some where) എന്ന ഫോർട്ട് ഫിലിമിന്റെ സംവിധാനവും,കഥയും, തിരക്കഥയും, ക്യാമറയും, എഡിറ്റിംഗും ഷെയിൻ നിഗം നിർവ്വഹിച്ചിരിക്കുന്നത്.

നായകനായി അരങ്ങേറ്റം കുറിച്ച ചിത്രങ്ങൾക്ക് ശേഷം തനിക്കെതിരെ ഉയർന്നു വന്ന ദുഷ്പ്രചരണങ്ങളേയും, ആരോപണങ്ങളെയും അതിജീവിച്ചാണ് മലയാള സിനിമയിലെ മുഖ്യധാരയിലേക്ക് ഷെയിൻ നിഗം കടന്നു വന്നിരിക്കുന്നത്. പ്രിയദർശൻ ഉൾപ്പെടെയുള്ള പ്രമുഖ സംവിധായകരുടെ സിനിമകളിൽ അഭിനയിക്കാൻ പോവുന്ന ഷെയിൻ നിഗം വേലയെന്ന ചിത്രത്തിൽ അഭിനയിക്കാനാണ് പാലക്കാടെത്തിയത്. ഈ സിനിമയുടെ ഭൂരിഭാഗം സീനുകളും രാത്രിയിൽ ചിത്രീകരിക്കുന്നതിനാൽ ഷൂട്ടിംഗില്ലാത്ത പകൽ സമയത്ത് പാലക്കാട് നഗരത്തിലെ പ്രമുഖ ഹോട്ടലായ ഇന്ദ്രപ്രസ്ഥയിൽ വെച്ചാണ് ഷെയിൻ നിഗത്തിനെ കണ്ടത്. തന്റെ ചലച്ചിത്രാഭിനയ വഴികളെക്കുറിച്ച് ഷെയിൻ നിഗം സംസാരിക്കുന്നു.

ഷെയിൻ നിഗം നായകനാവുന്ന പുതിയ ചിത്രമായ വേലയിലെ കഥാപാത്രത്തെക്കുറിച്ച് സൂചിപ്പിക്കാമോ..?

വേലയിൽ കേന്ദ്രകഥാപാത്രമായി അഭിനയിക്കാൻ അവസരം ലഭിച്ചത് തന്നെ മഹാഭാഗ്യമായി ഞാൻ കാണുന്നു. ചിത്രത്തിന്റെ നിർമ്മാതാവ് ജോർജേട്ടനെ ഞാൻ കണ്ടിരുന്നു. പോലീസ് വേഷമാണ്. ഉല്ലാസ് അഗസ്റ്റിൻ എന്നാണ് കഥാപാത്രത്തിന്റെ പേര്.ഞാൻ ആദ്യമായാണ് പോലീസ് വേഷത്തിൽ അഭിനയിക്കുന്നത്. രൂപത്തിലും ഭാവത്തിലും ഗെറ്റപ്പിലും പോലീസ് ഓഫീസറാവാൻ കഴിഞ്ഞുവെന്നാണ് എന്റെ വിശ്വാസം. ഞാൻ വ്യത്യസ്ത കഥാപാത്രങ്ങളെ അവതരിപ്പിക്കാൻ ആഗ്രഹിക്കുന്നയാളാണ്. ഉല്ലാസ് അഗസ്റ്റിൻ വ്യത്യസ്തനായ പോലീസ് ഓഫീസറാണ്. ചിത്രം തീയറ്ററിലെത്തുമ്പോൾ എന്റെ പോലീസ് വേഷം പ്രേക്ഷകർ എങ്ങിനെ സ്വീകരിക്കുമെന്നതിന്റെ വല്ലാത്തൊരു കൗതുകമുണ്ട്. നായകനായ ഉല്ലാസ് അഗസ്റ്റിൻ ശരിക്കും ഒരു ത്രില്ലർ ക്യാരക്ടർ തന്നെയായിരിക്കും.

പ്രമുഖ സംവിധായകരുടെ ചിത്രങ്ങളിലൂടെ ശക്തമായ കഥാപാത്രങ്ങൾക്ക് ജീവൻ നൽകാൻ പോവുന്ന ഷെയിൻ നിഗം ഇന്നലെകളിൽ അവതരിപ്പിച്ച് സ്വന്തം കഥാപാത്രങ്ങളെ എങ്ങിനെയാണ് നിരീക്ഷിക്കുന്നത്...?