2024 ന്റെ തുടക്കം മലയാള സിനിമയിൽ

ഭ്രമയുഗവും ആടു ജീവിതവും ആവേശവും ടർബോയും ബറോസും ഉൾപ്പെടെ ഗംഭീര ലൈനപ്പാണ് മലയാള സിനിമ 2024 ൽ പ്രേക്ഷകർക്കായി കാത്തുവെച്ചിരിക്കുന്നത്.

ഓരോ വർഷം ആരംഭിക്കുമ്പോഴും പ്രേക്ഷകർ മലയാളസിനിമയെ വളരെ പ്രതീക്ഷയോടുകൂടി ഉറ്റുനോക്കാറുണ്ട്. 2024 ന്റെ തുടക്കത്തിലും പ്രേക്ഷകർ ആകാംക്ഷയോടെയും ആവേശത്തോടെയും മലയാള സിനിമയെ വരവേൽക്കാൻ ഒരുങ്ങുകയാണ്. ഭ്രമയുഗവും ആടു ജീവിതവും ആവേശവും ടർബോയും ബറോസും ഉൾപ്പെടെ ഗംഭീര ലൈനപ്പാണ് മലയാള സിനിമ 2024 ൽ പ്രേക്ഷകർക്കായി കാത്തുവെച്ചിരിക്കുന്നത്. മിഥുൻ മാനുവൽ തോമസ് സംവിധാനം ചെയ്ത എബ്രഹാം ഓസ്ലർ എന്ന ത്രില്ലർ ചിത്രമാണ് മലയാ ളികൾ പുതുവർഷത്തിൽ സ്വീകരിച്ച ആദ്യത്തെ ബിഗ് ബഡ്ജറ്റ് ചിത്രം. ജയറാമും മമ്മൂട്ടിയും ഒരുമിച്ച ചിത്രം പ്രേക്ഷകർ ഇരുകയ്യും നീട്ടി സ്വീകരിച്ചു. ഏറെ നാളത്തെ കാത്തിരിപ്പിന് ഒടുവിൽ പുറത്തിറങ്ങിയ മോഹൻലാൽ ചിത്രമാണ് മലൈക്കോട്ടെ വാലിബൻ.