ക്ലാസ് കട്ട് ചെയ്തും സിനിമ കണ്ട കാലം അഭിലാഷ്പിള്ള

കണ്ണാടിയുടെ മുന്നിൽ നിന്ന് അഭിനയിച്ചൊക്കെ നോക്കിയിട്ടുണ്ട്. കേട്ടോ, വലുതായപ്പോൾ അഭിനയ മോഹം തനിയെ ഇല്ലാതായി.

- അപ്പൂസ് കെ.എസ്

സിനിമയിലേക്ക് കടന്നുവരിക എന്നുള്ളത് എല്ലാക്കാലത്തും ഒരു വിഭാഗം ആളുകളുടെ ആഗ്രഹമാണ്. ആ മേഖലയിലേക്ക് വരാനും, അവിടെ പിടിച്ചുനിൽക്കാനും എത്രത്തോളം കഠിനാദ്ധ്വാനവും, ഊർജ്ജവും ഒക്കെ അത്യാവശ്യമാണ്. താങ്കളുടെ ജീവിതത്തിൽ എങ്ങനെയായിരുന്നു ഉള്ളിലെ സിനിമാ മോഹം തിരിച്ചറിഞ്ഞത്?

എന്റെ സിനിമാമോഹത്തിന് തുടക്കമിട്ടവരിൽ പ്രധാനി എന്റെ അച്ഛനായിരുന്നു. മറ്റുള്ളവർക്ക് സിനിമ കാണിച്ചുകൊടുക്കാൻ അച്ഛന് വലിയ ഇഷ്ടമായിരുന്നു. പണ്ട് പത്തനംതിട്ടയിൽ ഉണ്ടായിരുന്ന ഐശ്വര്യ, അനുരാഗ് എന്ന രണ്ട് തിയേറ്ററിൽ ലാലേട്ടന്റെയും മമ്മുക്കയുടെയുമൊക്കെ പുതിയ സിനിമ വന്നാൽ അന്ന് ഞങ്ങൾക്ക് ക്ലാസ് ഉണ്ടായിരുന്നാൽ കൂടിയും അച്ഛൻ കൊണ്ടുപോകുമായിരുന്നു. അന്നു തൊട്ടേ തുടങ്ങിയതാണ് എന്റെ സിനിമാമോഹം. നടന്മാർക്ക് തീയേറ്ററിൽ കിട്ടുന്ന കയ്യടി കണ്ട് എനിക്കും അഭിനയിക്കണം എന്നൊക്കെ അന്ന് തോന്നിയിരുന്നു. കണ്ണാടിയുടെ മുന്നിൽ നിന്ന് അഭിനയിച്ചൊക്കെ നോക്കിയിട്ടുണ്ട്. കേട്ടോ, വലുതായപ്പോൾ അഭിനയ മോഹം തനിയെ ഇല്ലാതായി.

പിന്നീട് എങ്ങനെയാണ് സിനിമയോടുള്ള സ്നേഹം ഇന്ന് കാണുന്ന നിലയിലേക്ക് വളർത്തി ക്കൊണ്ടുവന്നത്?