മലയാള സിനിമയിലെ സയൻസ് ആന്റ് ടെക്നോളജി...

സയൻസ് ആന്റ് ടെക്നോളജിക്ക് പ്രാമുഖ്യം നൽകുന്ന സിനിമകളോട് മലയാളിക്ക് എന്തെങ്കിലും വിരക്തിയുണ്ടോ?

- അനീഷ് മോഹനചന്ദ്രൻ

സയൻസ് ആന്റ് ടെക്നോളജിക്ക് പ്രാമുഖ്യം നൽകുന്ന സിനിമകളോട് മലയാളിക്ക് എന്തെങ്കിലും വിരക്തിയുണ്ടോ? ഉത്തരം കൃത്യമായി അറിയില്ല. അതേസമയം, ഉണ്ട് എന്നാരെങ്കിലും മറുപടി പറഞ്ഞാൽ അവരെ കുറ്റം പറയാനും സാധിക്കില്ല. കാരണം, മലയാളികൾ സയൻസ് ഫിക്ഷൻ സിനിമകളെ അല്ലെങ്കിൽ സയൻസിനോ ടെക്നോളജിക്കോ കൂടുതൽ പ്രാധാന്യം നൽകുന്ന സബ്ജക്ടുകളെ അത്ര കണ്ടങ്ങ് സ്വീകരിച്ചിട്ടില്ല എന്നതാണ് ചരിത്രം. ഒരു ഉദാഹരണത്തിന് 1996 ൽ പുറത്തിറങ്ങിയ കെ.കെ. ഹരിദാസ് സംവിധാനം ചെയ്ത മമ്മൂട്ടി ചിത്രം ഇന്ദ്രപ്രസ്ഥം പരിശോധിക്കാം. കാലത്തിനതീതമായി സഞ്ചരിച്ച പല സംഗതികളും പ്രസ്തുത ചിത്രത്തിലുണ്ട്. അന്നേവരെ മലയാളി കൾക്ക് സുപരിചിതമല്ലാത്ത പല സാങ്കേതികത്വങ്ങളും പരിചയപ്പെടുത്തിയ ചിത്രമായിരുന്നിട്ടു കൂടി ഇന്ദ്രപ്രസ്ഥത്തിന് ബോക്സ് ഓഫീസിൽ അത്രകണ്ട് ചലനം സൃഷ്ടിക്കാൻ സാധിക്കാതെ പോയി. എന്തുകൊണ്ടാണിത്?