പഴയ കൂട്ടായ്മ ഇന്നില്ല-പൊന്നമ്മ ബാബു

ബംഗ്ലാവിലാണ് ആഷിക് അബു സംവിധാനം ചെയ്യുന്ന "റൈഫിൾ ക്ലബ്ബ്' എന്ന സിനിമയുടെ ചിത്രീകരണം നടക്കുന്നത്

- ജി. കൃഷ്ണൻ

മുണ്ടക്കയം ടൗണിൽ നിന്നും കുട്ടിക്കാനത്തേയ്ക്കുള്ള വഴിയെ കുറച്ച് മുന്നോട്ടുപോയി കഴിയുമ്പോൾ കെ.കെ. റോഡിൽ നിന്നും ഒരു വഴി വലത്തേക്ക് തിരിയും. ആ വഴി വള്ളിയാങ്കൽ ക്ഷേത്രത്തിലേക്കുള്ളതാണ്. ഭക്തിയുടേയും ശക്തിയുടേയും കാര്യത്തിൽ വള്ളിയാങ്കൽ ദേവീക്ഷേത്രം പ്രസിദ്ധമാണ് .

അധികം വീടുകളോ ആളുകളോ ഒന്നുമില്ലാത്ത വിജനമായ വഴിയിലൂടെ വേണം യാത്ര തുടരുവാൻ. ക്ഷേത്രത്തിലേക്കുള്ള വഴി തിരിഞ്ഞ് മറ്റൊരു വഴി ചെന്നുനിൽക്കുന്നത് കുപ്പക്കയം ബംഗ്ലാവിലാണ്.

ഈ ബംഗ്ലാവിലാണ് ആഷിക് അബു സംവിധാനം ചെയ്യുന്ന "റൈഫിൾ ക്ലബ്ബ്' എന്ന സിനിമയുടെ ചിത്രീകരണം നടക്കുന്നത്. ദിലീഷ് പോത്തൻ, വിനീത്കുമാർ, നിയാസ്, വാണി വിശ്വനാഥ്, പൊന്നമ്മ ബാബു, ഉണ്ണിമായ തുടങ്ങിയവരൊക്കെ സെറ്റിലുണ്ട്.

ഏക്കറുകണക്കിന് സ്ഥലത്താണ് ഈ ബംഗ്ലാവ് സ്ഥിതി ചെയ്യുന്നത്. പക്ഷേ, പ്രൗഢിയില്ലായിരുന്നു. ജരാ നര ബാധിച്ച് ജീർണ്ണാവസ്ഥയിലായിരുന്ന ഈ ബംഗ്ലാവിനെ അജയൻ ചാലിശ്ശേരി എന്ന കലാസംവിധായകൻ മുഖരൂപം മാറ്റിയെടുത്തിരി ക്കുന്നു. അഭിനേതാക്കൾക്ക് വിശ്രമിക്കാൻ താൽക്കാലികമായി പണിതിട്ടുള്ള ശീതീകരിച്ച മുറികളുണ്ട്. അതൊരു ആശ്വാസമാണ്. ആ മുറികളിലൊന്നിൽ, നടി കളായ വാണിവിശ്വനാഥും പൊന്നമ്മ ബാബുവും ഇരിക്കുന്നു. അവരുടെ ഷോട്ടുകൾ ആരംഭിക്കാൻ പോകുന്നതേയുള്ളൂ.