ഹക്കിമിന്റെ നിഷ്കളങ്ക ചിരിക്ക് പിന്നിൽ

ഞാൻ ചെയ്ത പെർഫോമൻസ് ബ്ലെസി സാറിന് ഇഷ്ടപ്പെട്ടതു കൊണ്ടാണ് ഞാനിന്ന് ഇവിടെയിരിക്കുന്നത്.

- അപ്പൂസ് കെ.എസ്

ആടുജീവിതം എന്ന സിനിമ താങ്കളെ തേടിയെത്തിയത് എപ്പോഴാണ്?

2017 ലാണ് ഇതിന്റെ ഓഡിഷൻ നടക്കുന്നത്. ഞാൻ പ്ലസ് ടു കഴിഞ്ഞ് കോളേജിൽ പ്രവേശിച്ചിരുന്ന സമയം. യൂണിവേഴ്സിറ്റി യൂണിയന്റെ കീഴിലുള്ള “കലാജാഥ' എന്നൊരു കൂട്ടായ്മയുടെ ഭാഗമായിരുന്നു അന്ന് ഞാൻ. ഇതിന്റെ ഭാഗമായ നാടകം, പാട്ട്, ഡാൻസ് ഒക്കെ അവതരിപ്പിക്കുമായിരുന്നു. ശാന്തേട്ടൻ എന്ന് ഞാൻ വിളിക്കുന്ന കോഴിക്കോടുള്ള ഒരു നാടകക്കാരനാണ് കാസ്റ്റിംഗ് കോളിന്റെ കാര്യം എന്നോട് പറയുന്നത്. അപ്പോൾ തന്നെ ഞാൻ അസിസ്റ്റന്റ് ഡയറക്ടറിന് ഫോട്ടോ അയച്ചുകൊടുത്തു. അത് കണ്ടിട്ടാണ് അവരെന്നെ ഓഡിഷൻ അറ്റൻഡ് ചെയ്യാൻ കൊച്ചിയിലേക്ക് വിളിക്കുന്നത്. അന്ന് ഞാൻ ചെയ്ത പെർഫോമൻസ് ബ്ലെസി സാറിന് ഇഷ്ടപ്പെട്ടതു കൊണ്ടാണ് ഞാനിന്ന് ഇവിടെയിരിക്കുന്നത്.

ആടുജീവിതം സിനിമ ഇറങ്ങില്ല എന്നുള്ള വാർത്തകൾ ഒക്കെ കേട്ട് ആകുലപ്പെട്ടിട്ടുണ്ടോ?