ജയപരാജയങ്ങൾ ശീലമായി ഭരത്

ആരാധകർ ഏറെ പ്രതീക്ഷയർപ്പിച്ച നടനാണ് ഭര ത്. തമിഴിൽ കാതൽ, വെയിൽ, എംഡൻ മകൻ, മല യാളത്തിൽ ഫോർ ദി പീപ്പിൾ എന്നിങ്ങനെ ഒരുപിടി ഹിറ്റുകൾ സമ്മാനിച്ച ഈ താരത്തിന്റെ കരിയർ പക്ഷേ ഇ.സി.ജി ഗ്രാഫുപോലെ കയറിയും ഇറങ്ങി യുമായിരുന്നു. ഒപ്പം വന്ന പലരും മുൻനിരയിലെത്തിയിട്ടും ഭരതിന് ലക്ഷ്യപ്രാപ്തി നേടാനായില്ല. അതിന്റെ കാരണങ്ങൾ സ്വയം വിമർശനാത്മകമായി പഠിച്ചുകൊണ്ട് തന്റെ രണ്ടാംമൂഴം കാത്തിരിക്കുന്ന ഭരത് ഇപ്പോൾ തമിഴിൽ രണ്ട് സിനിമകളിൽ അഭിനയിച്ചു വരുന്നുണ്ട്. തന്റെ കയറ്റ ഇറക്കങ്ങളെക്കുറിച്ചും സിനിമ നൽകിയ പാഠത്തെക്കുറിച്ചുമൊക്കെ മനസ്സ് തുറക്കുന്നു ഭരത്.

-  എ. കെ

അൻപതിൽപരം സിനിമകളിൽ ഭരത് അഭിനയിച്ചു കഴിഞ്ഞല്ലോ. എന്ത് തോന്നുന്നു?

ഈ ചോദ്യം കേൾക്കുമ്പോൾത്തന്നെ സന്തോഷമുണ്ട്. എന്നെ വിശ്വസിച്ച് വന്ന സംവിധായകർ, നിർമ്മാതാക്കൾ എന്നിവരോട് സത്യസന്ധത പുലർത്തിയതു കൊണ്ടാണ് ഇത്രയും വർഷം നിലനിൽക്കാനായത്. പല കയറ്റ ഇറക്കങ്ങളും കണ്ടു. അടുത്ത ലെവലിലേക്ക് പോകുന്നതിനായി ഒരു വലിയ പടം ചെയ്യണം. അതും അടുത്തുതന്നെ നടക്കും.

സിനിമ മാറിയതുപോലെ ജനങ്ങളുടെ ആസ്വാദനരീതിയും മാറി എന്നു തോന്നുന്നുണ്ടോ?

ഇന്നത്തെ സംവിധായകർ വളരെ എക്സ്ട്രീം ആയിട്ടാണ് കഥ പറയുന്നത്. അതിൽ ഏതാണ്എനിക്ക് സെറ്റാവുക എന്നും പ്രേക്ഷകരിലേക്ക് റീച്ചാവുക എന്ന് നോക്കി തിരഞ്ഞെടുത്ത് സിനിമകൾ ചെയ്യേണ്ടിയിരിക്കുന്നു. അടുത്തിടെ വന്ന "മഞ്ഞുമ്മൽ ബോയ്സ്' എന്ന സിനിമയിൽ "സ്റ്റാർ' എന്നുപറയാൻ തക്ക ആരും ഇല്ലായിരുന്നു. നല്ല സുഹൃത്തുക്കൾ ഒത്തുചേർന്നപ്പോൾ അത് ശക്തമായൊരു കഥയായി മാറി. വമ്പിച്ച വരവേൽപ്പ് നേടി. എന്റെ ബലം എന്താണെന്ന്എനിക്കറിയാം. എങ്ങനെയുള്ള സിനിമകളിൽ അഭിനയിക്കണം എന്ന് എന്റെ അനുഭവം എനിക്ക് പഠിപ്പിച്ചു തന്നിട്ടുണ്ട്.