നിഗുഢതകൾ നിറഞ്ഞ ചിത്തിനി

"കള്ളനും ഭഗവതിയും' എന്ന സിനിമയ്ക്ക ശേഷം കെ.വി. അനിലിന്റെ കഥയ്ക്ക് ഈസ്റ്റ് കോസ്റ്റ് വിജയനും കെ.വി. അനിലും ചേർന്നാണ് തിരക്കഥയും സംഭാഷണവും എഴുതിയിരിക്കുന്നത്

നൂൽപ്പുഴയെന്ന മലയോരഗ്രാമം. ചിത്തിനിയെന്ന യക്ഷി വിഹരിക്കുന്ന പാതിരി വനം. നിഗൂഢത നിറഞ്ഞ ആ നാട്ടിലേക്ക് സ്ഥലം മാറ്റം കിട്ടിയെത്തുന്ന സർക്കിൾ ഇൻസ്പെക്ടർ അലനും കുടുംബവും. അവർ അഭിമുഖീകരിക്കുന്ന വിചിത്രമായ അനുഭവങ്ങൾ. ഒരു പ്രത്യേക സാഹചര്യത്തിൽ അവിടേയ്ക്ക് ഗോസ്റ്റ് ഹണ്ടറായ വിശാലും മാധ്യമപ്രവർത്തക നിഷയും സംഘവും കൂടി എത്തുന്നു. തുടർന്നുണ്ടാകുന്ന അവിചാരിതവും, രസകരവും എന്നാൽ ആകാംക്ഷാഭരിതവുമായ സംഭവവികാസങ്ങളാണ് ഈസ്റ്റ് കോസ്റ്റ് വിജയൻ സംവിധാനം ചെയ്യുന്ന "ചിത്തിനി' എന്ന ചിത്രം പറയുന്നത്.

അലനായി അമിത് ചക്കാലക്കലും, വിശാലായി വിനയ് ഫോർട്ടും വേഷമിടുന്നു. "കള്ളനും ഭഗവതിയും' ഫെയിം മോക്ഷയും പുതുമുഖങ്ങളായ ആരതി നായരും, എനാക്ഷിയുമാണ് നായികമാരാകുന്നത്.