തമിഴ് സിനിമയിൽ വീണ്ടും ഉപരോധ കൊടുങ്കാറ്റ്

ഈ റെഡ്കാർഡ് ഭീഷണി വെറും കടലാസ് പുലിമാത്രം.

- നാനാജി

തമിഴ് ചലച്ചിത്ര വേദിയിൽ വ്യാഴവട്ടത്തിലൊരിക്കൽ ഒരു ഉപരോധം പതിവ് ചടങ്ങാണ്. ഇക്കുറി തമിഴ് ചലച്ചിത്ര നിർമ്മാതാക്കളുടെ സംഘടനയായ തമിഴ് ഫിലിം പ്രൊഡ്യൂസേഴ്സ് കൗൺസിൽ (TFPC)റെഡ് കാർഡ് നൽകി ഉപരോധം ഏർപ്പെടുത്താൻ തയ്യാറെടുക്കുന്നത് വമ്പന്മാർക്കെതിരെയാണ്. കമൽ, ധനുഷ്, ചിമ്പു, വിശാൽ എന്നിവർക്ക് റെഡ് കാർഡ് നൽകണമെന്നും അവരുടെ സിനിമകൾക്ക് സഹകരണം നൽകരുത് എന്നും തീരുമാനമെടുത്തിരിക്കുകയാണ്. തമിഴ് ഫിലിം പ്രൊഡ്യൂസേഴ്സ് കൗൺസിന്റെ ഈ തീരുമാനം ഇതാകട്ടെ പുതിയ എന്തെങ്കിലും പ്രശ്നങ്ങളുടെ അടിസ്ഥാനത്തിലല്ല. പഴയ ചില തർക്കങ്ങളുടെ പേരിലാണ്. നടൻ രമേശ് അരവിന്ദിന്റെ സംവിധാനത്തിൽ കമലഹാസൻ അഭിനയിച്ച ചിത്രമാണ് "ഉത്തമവില്ലൻ.' ബോക്സ് ഓഫീസിൽ തകർന്നടിഞ്ഞ ചിത്രത്തിന്റെ നിർമാതാവ്, സംവിധായകൻ എൻ.ലിംഗസ്വാമിയും സഹോദരൻ സുഭാഷ്ചന്ദ്രബോസുമാണ്. 2005 ൽ തിരുപ്പതി ബ്രദേഴ്സ് എന്ന കമ്പനിയുടെ പേരിലാണ് ചിത്രം നിർമ്മിച്ചു പുറത്തിറക്കിയത്. ചിത്രത്തിന്റെ പരാജയത്തിന് കോമ്പൻസേഷനായി 30 കോടി ബഡ്ജറ്റിൽ തിരുപ്പതി ബ്രദേഴ്സിന് മറ്റൊരു സിനിമ ചെയ്തു കൊടുക്കാമെന്ന് കമൽഹാസൻ വാഗ്ദാനം നൽകിയിരുന്നു. എന്നാൽ വർഷം 9 കഴിഞ്ഞിട്ടും അദ്ദേഹം അവർക്ക് സിനിമ ചെയ്തു കൊടുത്തില്ല. ഉത്തമ വില്ലന്റെ നഷ്ടത്തിനുശേഷം ശിവകാർത്തികേയന്റെ "രജനി മുരുകൻ' എന്ന സിനിമ നിർമ്മിച്ച തിരുപ്പതി ബ്രദേഴ്സ് പിന്നീട് സിനിമയേ നിർമ്മിക്കാനാവാതെ നിർജീവമായിപ്പോയി. ഒട്ടനവധി വിജയചിത്രങ്ങൾ സമ്മാനിച്ച കമ്പനി ഉത്തമ വില്ലന്റെ നഷ്ടത്താൽ നിലംപരിശായി. മേൽപ്പറഞ്ഞ കാരണത്താൽ പ്രൊഡ്യൂസർ കൗൺസിലിൽ ലിംഗു സ്വാമി കമലഹാസനെതിരെ പരാതി നൽകി. ഈ കഥ സിനിമയാക്കേണ്ട എന്ന് പറഞ്ഞപ്പോൾ കമൽ തന്നെയാണ് വാശിപിടിച്ച് ഈ കഥ സിനിമയാക്കിയത് എന്നും പരാതിയിൽ കമിനെതിരെ ആസ്ത്രം തൊടുത്തു ലിംഗുസാമി. കഴിഞ്ഞ മെയ് മാസം ഇത് സംബന്ധിച്ച് സംഘടനയിൽ അനുരഞ്ജന ചർച്ച നടത്തപ്പെടും എന്ന് അറിയിച്ചിരുന്നു. ഈ ചർച്ചയിൽ കമലഹാസൻ പങ്കെടുത്തില്ലെങ്കിലും അദ്ദേഹ ത്തിന്റെ പ്രതിനിധികൾ ആരെങ്കിലും പങ്കെടുക്കും എന്ന് പ്രതീ ക്ഷിച്ചുവെങ്കിലും അതും ഉണ്ടായില്ല. അ