ചെമ്പരത്തി ചെറുതല്ല ഗുണങ്ങൾ

അഞ്ച് ഇതളുകളോടുകൂടിയ നാടൻ ചെമ്പരത്തിയുടെ പൂക്കളാണ് ആഹാരത്തിനും സൗന്ദര്യത്തിനും ഔഷധാവശ്യങ്ങൾക്കും കൂടുതലായി ഉപയോഗിക്കുന്നത്

അലങ്കാരച്ചെടിയായും ജൈവവേലിയായും നട്ടുവ ളർത്താവുന്ന സസ്യമാണ് ചെമ്പരത്തി. ചെമ്പരത്തിയുടെ പ്രധാന ഉപയോഗയോഗ്യമായഭാഗം പൂവാണ്.

അഞ്ച് ഇതളുകളോടു കൂടിയ നാടൻ ചെമ്പരത്തിയുടെ പൂക്കളാണ് ആഹാരത്തിനും സൗന്ദര്യത്തിനും ഔഷധാവശ്യങ്ങൾക്കും കൂടുതലായി ഉപയോഗിക്കുന്നത്. ഇപ്പോൾ പലവിധത്തിലുള്ള മൂല്യവർധിത ഉത്പന്നങ്ങൾ ഉണ്ടാക്കുന്നതിനായി ചെമ്പരത്തിപ്പൂവും ചെമ്പരത്തിയുടെ മറ്റ് ഭാഗങ്ങളും ആഗോളതലത്തിൽതന്നെ ഉപയോഗിച്ചു വരുന്നുണ്ട്. ഗർഭിണികൾ ചെമ്പരത്തിപ്പൂവു കൊണ്ടുള്ള വിഭവങ്ങൾ കഴിക്കുന്നത് നല്ലതല്ല. ചെമ്പരത്തിപ്പൂവു കൊണ്ട് ഉണ്ടാക്കാവുന്ന ആഹാരങ്ങൾ ഇവയാണ്.

ചെമ്പരത്തിപ്പൂവ് ശീതളപാനീയം

ഉണങ്ങിയ ചെമ്പരത്തിപ്പൂവിന്റെ പൊടി 15 ഗ്രാം തിളപ്പിച്ചാറിയ തണുത്ത ശുദ്ധജലം നാല് കപ്പ്
പഞ്ചസാരപാനി ആവശ്യത്തിന്
ഐസ് ക്യൂബ്  ആവശ്യത്തിന്

വെള്ളം ഒരു പാത്രത്തിൽ ഒഴിച്ച് അതിൽ ചെമ്പരത്തിപ്പൂവിന്റെ പൊടി ചേർത്ത് നല്ലതുപോലെ ഇളക്കുക. ആവശ്യത്തിനനുസരിച്ച് പഞ്ചസാരപാനിയും ചേർക്കുക. അതിനു ശേഷം ഒരുമണിക്കൂർ മൂടിവെക്കുക. പിന്നീട് ഐസ്ക്ബ് ചേർത്തോ ചേർക്കാതെയോ കുടിക്കാവുന്നതാണ്.

ചെമ്പരത്തി ഇല തോരൻ

മൂപ്പെത്താത്ത ചെമ്പരത്തി ഇലകൾ കഴുകി വൃത്തിയാക്കി അരിഞ്ഞത് 500 ഗ്രാം
നാളികേരം ചിരകിയത്  അര മുറി
വെളുത്തുള്ളി നാല് അല്ലി
ചുവന്നുള്ളി 50 ഗ്രാം
വറ്റൽമുളക് മൂന്നെണ്ണം
ഉപ്പും വെളിച്ചെണ്ണയും   ആവശ്യത്തിന്