അസൂയയും അനുകമ്പയും

എല്ലാറ്റിനോടും അഭിനിവേശം വളർത്തിയെടുക്കുക. അഭിനിവേശം ഒരു പ്രത്യേക വ്യക്തിയുമായി ബന്ധപ്പെട്ടിരിക്കുന്നതാണെന്ന് തെറ്റിദ്ധരിക്കരുത്. നിങ്ങളുമായി സമ്പർക്കം പുലർത്തുന്ന എന്തിനെക്കുറിച്ചും അഭിനിവേശമുണ്ടെന്ന് മനസ്സിലാക്കുക

ചോദ്യകർത്താവ് അസൂയയും അനുകമ്പയും പരസ്പരവിരുദ്ധമായ അനുഭവവും വികാരവുമാണെന്ന് തോന്നുന്നു. ഒരാൾ കഷ്ടപ്പെടുന്നിടത്തോളം അവരോട് അനുകമ്പ തോന്നുന്നത് എളുപ്പമാണ്. എന്നാൽ, അത് മാറിയാലുടൻ അതേ വ്യക്തിയോട് അസൂയ തോന്നുന്നു. ഇതിനെപ്പറ്റി എന്താണ് പറയാനുള്ളത്?

സദ്ഗുരു അസൂയയും അനുകമ്പയും ഒരുതരത്തിലും ബന്ധപ്പെട്ടിട്ടില്ല. നിങ്ങൾ അനുകമ്പയെ സഹതാപമോ ആർദ്രതയോ ആയി കാണുന്നുവെങ്കിൽ, അവ ഏതെങ്കിലും വിധത്തിൽ ബന്ധപ്പെട്ടിരിക്കുന്നു. എന്നാൽ, അവിടെ അനുകമ്പയും അസൂയയും ഇല്ല.

അസൂയ എന്നതിനർഥം നിങ്ങളാഗ്രഹിക്കുന്ന എന്തെങ്കിലും മറ്റൊരാൾ സ്വായത്തമാക്കി അല്ലെങ്കിൽ നിങ്ങൾക്കുള്ളതിനെക്കാൾ കൂടുതൽ മറ്റൊരാൾക്കുള്ളപ്പോൾ, അസൂയയുടെയോ സ്പർധയുടെയോ അടിസ്ഥാനസ്വഭാവം നിങ്ങൾക്കനുഭവപ്പെടുന്നു എന്നതാണ്. നിങ്ങൾ വളരെ സന്തോഷത്തിലാണെങ്കിൽ, ആരോടും അസൂയപ്പെടില്ല. ഇപ്പോൾ, ആർക്കെങ്കിലും നിങ്ങളെക്കാൾ കൂടുതൽ എന്തെങ്കിലും ഉണ്ടെങ്കിലോ അല്ലെങ്കിൽ ഉണ്ടെന്ന് തോന്നുമ്പോഴോ, അവരെക്കാൾ നിങ്ങൾ ചെറുതായിപ്പോയി എന്നനുഭവപ്പെടാം. അതിനാൽ, നിങ്ങളെക്കാൾ മികച്ച മറ്റാരെങ്കിലും ഉണ്ടെങ്കിൽ മാത്രമേ, അസൂയ നിലനിൽക്കൂ. നിങ്ങൾ ഇവിടെ തനിച്ചാണെങ്കിൽ, അസൂയയുണ്ടാകില്ല. എന്നാൽ, അനുകമ്പ അങ്ങനെയല്ല. ഇവിടെ ആരുമില്ലെങ്കിലും അനുകമ്പയുണ്ടാകാം.