ഒഴിവാക്കാം വിഷം വിതറുന്ന ബന്ധങ്ങൾ

വ്യക്തിബന്ധങ്ങളിൽ, ഒരാൾ മറ്റെയാളുടെ ചിന്തകളും വികാരങ്ങളും പ്രവൃത്തികളും ഉപദേശങ്ങളിലൂടെയോ ആധിപത്യത്തിലൂടെയോ നിയന്ത്രിക്കാൻ ശ്രമിക്കുന്നു എന്നതാണ് വിഷബന്ധത്തിന്റെ സൂചന

- ഡോ.അദിതി എൻ. റിട്ട.അസോസിയേറ്റ്പ്രൊഫസർ മനഃശാസ്ത്രവിഭാഗം എം.ജി.കോളേജ്, തിരുവനന്തപുരം

വ്യക്തിബന്ധങ്ങളിൽ, സ്ഥിരമായി മറ്റൊ രാൾക്ക് ശാരീരികമോ വൈകാരികമോ ആയ ദോഷം വരുത്തുന്ന സ്വഭാവരീതികളാണ് വിഷബന്ധത്തിന്റെ സവിശേഷത. പെരുമാറ്റം നിയന്ത്രിക്കൽ, അസൂയ, വാക്കാലുള്ളതും ശാരീരിക വുമായ ദുരുപയോഗം, അവഗണന തുടങ്ങിയവ വിഷബന്ധത്തിന്റെ അടയാളങ്ങളിൽ ഉൾപ്പെടുന്നു. ഇവരെ വിഷക്കൂട്ടുകാർ എന്ന് വിളിക്കാം.

വിഷബന്ധത്തിന്റെ സവിശേഷതകൾ

വ്യക്തിബന്ധങ്ങളിൽ, പങ്കാളി മറ്റെയാളുടെ ചിന്തകളും വികാര ങ്ങളും പ്രവൃത്തികളും ഉപദേശങ്ങളിലൂടെയോ ആധിപത്യത്തിലൂടെയോ നിയന്ത്രിക്കാൻ ശ്രമിക്കുന്നു.

ഇകഴ്ത്തൽ,കുറ്റപ്പെടുത്തൽ, കളിയാക്കൽ, നിഷേധാത്മക പരാമർശങ്ങൾ എന്നിവ വാക്കാലുള്ള ദുരുപയോഗത്തിന്റെ രൂപങ്ങളാണ്.

തല്ലുന്നതും തള്ളുന്നതും മുറിവേൽപ്പി ക്കുന്നതും ഉൾപ്പെ ടെയുള്ള ഏതൊരു ശാരീരിക അക്രമവും അപകടസൂചനയാണ്.

മറ്റൊരാളുടെ വാസസ്ഥലവും പ്രവർത്തനങ്ങളും, ആശയവിനിമയങ്ങൾ വരെ, അറിയാനും നിയന്ത്രിക്കാനുമുള്ള അമിതമായ ആവേശം വിഷലിപ്തമായ അസുയയുടെയും കുശുമ്പിന്റെയും ലക്ഷണങ്ങളാണ്.

സുഹൃത്തുക്കളുമായോ കുടുംബാംഗങ്ങളുമായോ മറ്റ് പ്രിയപ്പെട്ടവരുമായോ ഉള്ള ബന്ധം പരിമിതപ്പെടുത്താനോ തടയാനോ വിഷ കൂട്ടുകാർ ശ്രമിച്ചേക്കാം.

ഇവരുടെ പെരുമാറ്റവും വൈകാരികാവസ്ഥയും വേഗത്തിലും വിശദീകരണമില്ലാതെയും മാറാം.