அதிர்ஷ்டம் உள்ளவள் நான்! - நடிகை திஷாபதானி

2015-ல் தெலுங்கு படத்தின் மூலம் திரையுலகுக்கு அறிமுகமான திஷா பதானி,அப்படியே பாலிவுட் பக்கம் ஒதுங்கினர்.

- திருமகன்

இப்போது மீண்டும் தென்னிந்திய திரைப்படத் துறைக்கு திரும்பி இருப்பவர் சூர்யா ஜோடியாக தமிழில் அறிமுகம் ஆகிறார்.

3டி முப்பரிமாண படமாக தயாராகும் இந்தப் படத்தில் நடிப்பதன் மூலம் தனக்கு மிகப்பெரிய அனுபவம் கிடைத்திருப்பதாக சொல்கிறார் திஷா பதானி.

நீங்கள் நடிகையானது எப்படி?

நான் பிடெக் இன்ஜினியரிங் கம்ப்யூட்டர் கோர்ஸ் படித்து முடித்தேன். கல்லூரி படிப்பு முடிந்ததும் மும்பைக்கு மாற்றலாகி வந்தேன். மேல் படிப்பு படிக்க வேண்டும் அல்லது மாடலிங் செய்ய வேண்டும் என்று இரண்டு யோசனைகளில் இருந்தேன்.சினிமா பற்றி எந்த ஐடியாவும் இல்லை.

மறுபுறம் விமானப்படை பைலட்டாக ஆக வேண்டும் என்பது தான் என்னுடைய ஆசையாக இருந்தது. நான் நடிகையாக வரருவேன் என்று நினைத்து கூட பார்க்கவில்லை. எப்படி நடிப்பது என்று கூட எனக்கு தெரியாது.

மும்பையில் நடந்த அழகு போட்டியில் கலந்து கொண்டு வெற்றி பெற்றேன். தோப் என்ற மாடலிங் ஏஜென்சி என்னை ஒப்பந்தம் செய்து சூட்டிங் நடத்தியது. இதன் பின்னர் கமர்சியல் படங்களுக்காக ஆடிஷன் கொடுத்தேன். என்னுடைய திரையுலக பயணம் எப்படி இருக்கும் என்று குடும்பத்தில் இருப்பவர்கள் ஆரம்பத்தில் சந்தேகப்பட்டனர். ஆனால் எனது சினிமா யோசனைக்கு அவர்கள் தயக்கம் காட்டியதில்லை. நான் அதிர்ஷ்டசாலி என்றே கருதுகிறேன். எனக்கு எது தேவையோ அது எனக்கு கிடைத்தது.

திரைப்படங்களை எப்படி தேர்ந்தெடுப்பீர்கள்?

மிக கவனமாக அதிலும் செலக்டிவாக படங்களை தேர்வு செய்வேன். எண்ணிக்கையின் அடிப்படையில் படங்கள் குறைவாக இருக்கலாம். ஆனால் அவற்றில் நான் ஏற்ற வேடங்கள் ஒவ்வொன்றும் வித்தியாசமானவை.

பொதுவாக எனக்கு சீக்கிரம் சலிப்பு தட்டி விடும். ஆகவே முன்பு செய்த பாத்திரத்தை மீண்டும் தொடவே மாட்டேன். எப்போதும் எனக்கு எதுவும் புதிதாகவே இருக்க வேண்டும். என்னுடைய உள்ளுணர்வு என்ன சொல்கிறதோ அதன்படி நான் முடிவெடுப்பேன்.