டார்க் சாக்லேட் நீரிழிவு அபாயத்தை குறைக்குமா?

நவீன காலக்கட்டத்தின் வாழ்க்கை முறை மாற்றம், அதிக கலோரி கொண்ட உணவுகள் உண்பது, போதுமான உடற்பயிற்சியின்மை, மன அழுத்தம் ஆகியவை நீரிழிவு நோய் ஏற்படுவதற்கான முக்கியமான காரணிகள் என மருத்துவர்கள் கூறுகின்றனர்.

- எஸ்.ரவீந்திரன்

காலையில் உணவு எடுத்துக்கொள்ளாமல் இருக்கும்போது உடலின் க்ளுக்கோஸ் அளவு வரம்பு 70-100 ஆக இருந்தால் இது வழக்கமான அளவாகும்.

இந்த வரம்பு 100-125 மில்லி கிராம்களாக இருந்தால் இது நீரிழிவு நோய்க்கு முந்தைய நிலை என்றும், 126க்கு அதிகமாக இருப்பது நீரிழிவு நோய் அறிகுறி என்றும் கணக்கிடப்படுகிறது என உலக சுகாதார நிறுவனம் கூறுகிறது.

அதிக நார்சத்து, வைட்டமின்கள், தாதுக்கள், புரதம், ஆரோக்கியமான கொழுப்பு ஆகியவற்றை கொண்ட உணவுகளை உண்ணலாம். ஆரஞ்சு, தர்பூசணி, கொய்யா, புரதம் நிறைந்த பீன்ஸ், பருப்பு வகைகள், குறைந்த கொழுப்புள்ள கோழி இறைச்சி, மீன் உள்ளிட்ட கார்ப்போஹைட்ரேட் இல்லாத உணவுகளை உண்ணலாம்.

பச்சைக் காய்கறிகள், முழு தானியங்கள், ஓட்ஸ், அரிசி கேக்குகள், பாதாம், அக்ரூட் பருப்புகள், பிஸ்தா மற்றும் முந்திரி ஆகியவை உடல்நலனுக்கு நல்லது.

நிலைமை இப்படி இருக்க இனிப்புகளை அதிகம் சேர்க்கக் கூடாது என டாக்டர்கள் கூறுகிறார்கள்.

ஆரோக்கியமாக இருப்பதற்கு ருசியான உணவுகளைத் தவிர்க்க வேண்டும் என்று கருதினால்... பிரிட்டிஷ் மெடிக்கல் ஜர்னலில் வெளியிடப்பட்ட ஒரு புதிய ஆய்வு, நீரிழிவு பிரச்சினைக்கு தீர்வாக இனிப்பான அதிர்ச்சியை அளித்துள்ளது.

அந்த வகையில் டார்க் சாக்லேட்(டைப் 2)வகை 2 நீரிழிவு நோயின் அபாயத்தைக் குறைக்கும் என கூறுகிறது.