மீண்டும் காலிஸ்தான்...அம்ரித்பால் சிங் யார்?

கடந்த சில தினங்களாக பஞ்சாப் மாநிலத்தை மட்டுமல்ல... ஒட்டு மொத்த இந்திய ஒன்றியதையும் பரபரப்பாகிவருகிறார் அம்ரித்பால் சிங் என்பவர். போலீசார் அவரை கைது செய்ய முயற்சிக்க...அவரோ சினிமா பாணியில் பல்வேறு கெட் அப்புகளுடன் போலீசுக்கு தண்ணி காட்டி வருகிறார். இப்படி சிம்மசொப்பனமாக இருந்து வரும் அம்ரித்பால் சிங் யார்?

- ரவீந்திரன்

டெல்லி விவசாயிகளின் போராட்டத்தில் முக்கிய பங்கு வகித்த பஞ்சாபி நடிகர் தீப் சித்து. இவர் கடந்த 2021ஆம் ஆண்டு செப்டம்பரில் 'வாரிஸ் பஞ்சாப் டி' என்ற அமைப்பை தொடங்கினார். டெல்லி செங்கோட்டை வன்முறை வழக்கில் அவர் முதல் எதிரியாக சேர்க்கப்பட்டார். இந்தநிலையில் கடந்த ஆண்டு பிப்ரவரியில் ஹரியாணாவில் ஏற்பட்ட விபத்தில் அவர் உயிரிழந்தார்.

சரி, அம்ரித் கதைக்கு வருவோம்.

1993ஆம் ஆண்டு பஞ்சாபின் அமிர்தசரஸ் ஜல்லபூர் கெராகிராமத்தில் பிறந்த அம்ரித்பால் சிங் 12ஆம் வகுப்பு வரை படித்துள்ளார். 2012ஆம் ஆண்டில் துபாய்க்கு சென்ற அவர் அங்கு உறவினர் நடத்தும் போக்குவரத்து சேவை நிறுவனத்தில் மெக்கானிக்காக பணியாற்றினார்.