வாழ்க்கையை அனுபவித்து வாழ வேண்டும்!

ஆந்திர மாநிலம் தெனாலியில் பிறந்து விசாகப் பட்டினத்தில் வளர்ந்தவர் சோபிதா துலிபாலா

சாதாரண எளிய குடும்பம். தந்தை வணிக கப்பலில் பொறியாளர். தாய் பள்ளி ஆசிரியை. தனது கலைச் சேவையை பாலிவுட்டில் தொடங்கி அதைத் தொடர்ந்து தெலுங்கிலும் 'பொன்னியின் செல்வன்' மூலம் தமிழிலும் தொடங்கியவர் வேறுபட்ட மொழிகளில் நடித்தாலும் வித்தியாசம் எதுவும் இல்லை என்கிறார், சோபிதா.

கலை மீது உங்களுக்கு ஈர்ப்பு ஏற்பட்டது எப்படி?

கலை என்றால் என்ன என்று அறியாத பருவத்திலேயே எனக்கு கலைமீது ஒரு ஈர்ப்பு வந்து விட்டது. கலை என்பது ஒரு செய்தியை தெரிவிப்பதற்கு அல்லது பார்வையாளர்களை சென்றடைவதற்கான ஒரு ஊடகமாக மட்டும் கருதக்கூடாது. அது அதன் சொந்த நோக்கத்திற்காக உள்ளது.

உதாரணத்திற்கு ஒரு சிற்பத்தை எடுத்துக் கொள்ளும் போது, அது உருவான காலத்தின் தேர்வாக நிற்கிறது. அஜந்தா எல்லோரா குகைகளையும் அல்லது அது போன்ற மற்ற அதிசயங்களையும் நாம் பார்க்கும் போது அதில் இருந்து நாம் பல விஷயங்களை தெரிந்து கொள்கிறோம்.