കന്റെംപ്രറി സ്റ്റൈൽ ഇന്റീരിയർ

ചുമരിന്റെയും സീലിങ്ങിന്റെയും അലങ്കാരങ്ങളാണ് ഈ ഇന്റീരിയറിന്റെ തിളക്കത്തിനു പിന്നിൽ

വെണ്ണലയിൽ ട്രാവൻകൂർ ഓപ്പസ് ഹൈവേ അപാർട്മെന്റിന്റെ 16-ാം നിലയിലാണ് ഈ ഫ്ലാറ്റ്. ഫ്ലോറിങ് അതേപടി നിലനിർത്തി വീട്ടുകാരുടെ ഇഷ്ടത്തിനനുസരിച്ച് ഇന്റീരിയർ ചെയ്തേടുക്കുകയായിരുന്നു. കന്റെപറി ഇന്റീരിയർ എന്ന രീതിയിലാണ് ഫ്ലാറ്റ് ഒരുക്കിയത്. ലൈറ്റിങ്ങും ക്ലാഡിങ് വർക്കും ചെയ്ത് മിനുക്കിയാണ് ഇന്റീരിയറിനെ തിളക്കമുള്ളതാക്കിയത്. സ്വർണവർണത്തിലുള്ള പ്രകാശവും ഫിനിഷുകളും ആണ് ഇന്റീരിയറിന്റെ തീം.

പൂജാ ഏരിയ

ചുമരിൽ തന്നെ ഓപ്പൺ രീതിയിലാണ് പൂജാ ഏരിയ ഒരുക്കി യിരിക്കുന്നത്. കൊച്ചു വിഗ്രഹങ്ങളിലേക്ക് പോലൈറ്റുകൾ വെളിച്ചമൊരുക്കുന്നു. മധ്യത്തിലെ ഓംകാരം ശ്രദ്ധയെ ആവാഹിച്ചു നിർത്തുന്നു. ബിവൽഡ് ഗ്ലാസ് വർക് ചെയ്ത കാബിനറ്റുകൾ ആണിവിടെ.