Stair vs Stair

സ്റ്റീൽ, ഫെറോസിമന്റ്, ബാംബൂ കോൺക്രീറ്റ് ഗോവണികളേക്കാൾ ചെലവു കുറഞ്ഞ ഒട്ടേറെ മാർഗങ്ങളുണ്ട്

വീടുപണിയുടെ ഓരോ ഘട്ടത്തിലും ശരിക്കും ആലോചിച്ച് ബുദ്ധിപൂർവം മുന്നോട്ടു നീങ്ങുകയാണെങ്കിൽ ചെലവ് ഒരിക്കലും കൈവിട്ടുപോകില്ല. ഭംഗിയും ഗുണമേന്മയുമുള്ള എല്ലാത്തിനും ചെലവ് കൂടണമെന്നില്ല. ഗോവണിയുടെ കാര്യത്തിൽ ഭംഗിയിലും സൗകര്യത്തിലും വിട്ടുവീഴ്ച ചെയ്യാതെത്തന്നെ ചെലവു കുറയ്ക്കാൻ വഴികളുണ്ട്.

മെറ്റൽ ഫ്രെയിമിൽ ഗോവണി

മെറ്റൽ പൈപ്പിൽ ആംഗിളുകൾ ഘടിപ്പിച്ച് നിർമിക്കുന്ന ഗോ വണിയാണ് താരതമ്യേന ചെലവ് കുറഞ്ഞ മാർഗം. മൂന്ന് രണ്ട് അല്ലെങ്കിൽ നാല് രണ്ട് ഇഞ്ചിന്റെ സ്ക്വയർ പൈപ്പ് സ്ഥാപിച്ച് അതിൽ പടികൾ ഘടിപ്പിക്കാനുള്ള ആംഗിളുകൾ വിളക്കിച്ചേർക്കാം. വാർപ്പിന്റെ ആവശ്യമില്ലാത്തതിനാൽ സ്ട്രക്ചർ കഴിഞ്ഞ് ഇന്റീരിയർ വർക്കിന്റെ ഭാഗമായി ഇത്തരം ഗോവണികൾ നിർമിക്കാം.

പടിയായി (thread) തടിയോ ടൈലോ ഗ്രാനൈറ്റോ പ്ലൈവുഡോ എന്തുവേണമെങ്കിലും ഘടിപ്പിക്കാം. മാർബിളോ തടിയോ ആണെങ്കിൽ മാത്രമേ സ്ക്രൂ ചെയ്തുപിടിപ്പിക്കേണ്ടി വരുന്നുള്ളൂ. ടൈലും പ്ലൈവുഡും ഫ്രെയിമിൽ പശ വച്ച് ഒട്ടിച്ചു ചേർ ക്കാം. പഴയ തടിപ്പലകകൾ ലഭ്യമാണെങ്കിൽ പടികളുടെ നിർമാണം വീണ്ടും ചെലവ് കുറഞ്ഞതാകും.