നെല്ലു കണ്ടാൽ എലി വരാതിരിക്കില്ല

ബാങ്ക് അക്കൗണ്ടിൽ പണം വന്നാൽ പിന്നെ ഫോൺ വിളിയോടു വിളിയാണ്.

- പി. കിഷോർ

നിങ്ങളുടെ ബാങ്ക് അക്കൗണ്ടിൽ നാലു കാശ് വീണിട്ടുണ്ടെന്നു കരുതുക. വസ്തു വിറ്റിട്ടോ പെൻഷനായപ്പോൾ പിഎഫും മറ്റും കിട്ടിയിട്ടോ ഏതു വകുപ്പിലെങ്കിലും ആയിക്കോട്ടെ. ഒന്നു രണ്ടാഴ്ചകൾക്കകം പരിചയമില്ലാത്ത ഫോൺ നമ്പറുകളിൽനിന്നു വിളികൾ, സ്ത്രീ ശബ്ദമായിരിക്കും.

ഏതൊക്കെയോ സ്വകാര്യ ധനകാര്യ സ്ഥാപനങ്ങളുടെയോ സഹകരണ സൊസൈറ്റികളുടെയോ പേരെല്ലാം പറയും. ഇവിടെ നിക്ഷേപിക്കൂ, ഞങ്ങൾ തരാം വൻ പലിശ എന്നൊക്കെയാണ് മധുരമൊഴികൾ. 11.5%, 14% എന്നെല്ലാം കേൾക്കുമ്പോൾ ആടിപ്പോകുന്നവരുണ്ട്. ബാങ്കിൽ എഫ്ഡി ഇട്ടാൽ വെറും അഞ്ചേകാൽ ശതമാനം മാത്രമാണേ...