സഞ്ചരിക്കുന്ന സ്വർണക്കടകൾ

ദേഹത്തു കിടക്കുന്ന സ്വർണത്തിന്റെ വില നിങ്ങൾക്ക് അറിയില്ലെങ്കിലും കള്ളന്മാർക്ക് കൃത്യമായി അറിയാം, തൂക്കിനോക്കേണ്ട ആവശ്യംപോലും വരില്ല.

- കെ.കെ.ജയകുമാർ

"സൂക്ഷിച്ചു പോണം,' ഭാര്യ ഇറങ്ങിയപ്പോൾ ഞാൻ പറഞ്ഞു. അവൾ എന്നെ രൂക്ഷമായൊന്നു നോക്കി. അതുകണ്ട് കൂടെയുള്ള എന്റെ സഹോദരി അർഥഗർഭമായി എന്നെ നോക്കി. രണ്ടുപേരുടെയും നോട്ടം എന്തിനെന്ന് എനിക്കൊട്ടും മനസ്സിലായില്ല.

ഒരു ബന്ധുവിന്റെ വിവാഹത്തിനിറങ്ങിയതാണ് രണ്ടുപേരും. എനിക്കു കൂടെപ്പോകാനായില്ല. ഒഴിവാക്കാനാകാത്തതു കൊണ്ട് ഭാര്യതന്നെയാണ് ഞാൻ വരേണ്ട എന്നു പറഞ്ഞത്. അതുകൊണ്ട് രൂക്ഷനോട്ടത്തിനു കാരണം ഞാൻ ചെല്ലാത്തതല്ല. ഇടയ്ക്ക് ഫോൺ വന്നു, ഭാര്യയുടേതാണ് "എത്രയോതവണ ഞാൻ ഒറ്റയ്ക്ക യാത്രപോയിരിക്കുന്നു. അന്നൊന്നുമില്ലാത്ത ഒരു സ്നേഹവും കരുതലും ഇന്നു മാത്രം എന്തേ. സൂക്ഷിച്ചുപോകണം അത്. എന്താ സ്വന്തം സഹോദരി കൂടെയുള്ളതു കൊണ്ടാരുന്നോ ഈ ടെൻഷൻ, ഒറ്റശ്വാസത്തിൽ ഭാര്യ പറഞ്ഞു.