ചാടിയാലും വിജയിക്കാൻ തലേവര വേണം

സ്ഥാപനത്തിൽനിന്ന് പുറത്തുപോയി സ്വന്തം സംരംഭം തുടങ്ങുന്നവരെല്ലാം വിജയിക്കാറുണ്ടോ? അവിടെയാണ് പ്രശ്നം.

- പി.കിഷോർ

പ്രശസ്ത ബ്യൂട്ടി പാർലറിലെ ഹെയർ സ്റ്റൈലിസ്റ്റിനെ കാണാനില്ല. എവിടെപ്പോയെന്ന് അന്വേഷിച്ചപ്പോൾ അയാൾ സ്വന്തമായി തുടങ്ങി എന്ന മറുപടി കിട്ടി. ചെറിയ റസ്റ്ററന്റിലെ കോഴിക്കറിക്കും മട്ടൻ കറിക്കും മറ്റും പഴയ രുചിയില്ല. പ്രമുഖ പാചകക്കാരൻ പോയി സ്വന്തമായി തുടങ്ങിയത്...

ഇങ്ങനെ വിട്ടുപോയി വേറേ തുടങ്ങുന്നവർ ഒരുപാടുണ്ട്. നിരവധി രംഗങ്ങളിൽ അങ്ങനെ വിട്ടു പോകുന്നവർ തുടങ്ങുന്ന പുതിയ സ്ഥാപനങ്ങൾ വളർന്ന് അവരെ പരിശീലിപ്പിച്ച സ്ഥാപനത്തെക്കാൾ വലുതും പ്രശസ്തവുമാകും. വലിയ ഷെഫുമാർ പല റസ്റ്ററന്റുകളിൽ മാറിമാറിനിന്നിട്ട് സ്വന്തമായി ആരംഭിക്കും. വന്നുവന്ന് ആയുർവേദ സ്പാകളിലെ തിരുമ്മുകാർ പോലും പുറത്തുപോയി സ്വന്തമായി തുടങ്ങുന്നു.