നോർത്ത് ഈസ്റ്റിലൂടെ ഒരു കൂട്ടുകുടുംബ യാത്ര

മഹാത്മഗാന്ധി മാർഗിലൂടെ നടക്കാതെ ഗാങ്ടോക് യാത്ര പൂർണമാകില്ല

- ആരിഫ് അഹ്മദ് കൊടിയത്തൂർ

“എനിക്കെന്തോ ഒരു വല്ലായ്മ പോലെ. ശ്വാസം എടുക്കാൻ പ്രയാസം. ഏതെങ്കിലും ഡോക്ടറെ വിളിച്ചു ചോദിച്ചാലോ?

ഉമ്മയുടെ വാക്കുകൾ കേട്ടപ്പോൾ ചെറിയ ഉത്കണ്ഠയായി. സ്വാഭാവികമാണ് ആശങ്ക. നിലവിൽ നിൽക്കുന്നത് ഹിമാലയ മലനിരകളിലെ സമുദ്ര നിരപ്പിൽനിന്ന് 14,500 അടി ഉയരത്തിലാണ്. ഇന്ത്യ-ചൈന അതിർത്തിയായ നാഥുല പാസിൽ. നാട്ടിൽനിന്ന് 3000 കി.മീ. അകലെ. ആരെ വിളിക്കണം എന്നാലോചിക്കാൻ സമയമില്ല. മൊബൈലുകളിൽ കൃത്യമായി സിഗ്നൽ പോലുമില്ല.

ഉള്ള റേഞ്ചിൽ ഭാര്യാസഹോദരി ഡോ. സവിനയെ കിട്ടി. ഉയ രം കൂടിയ സ്ഥലത്ത്, തണുപ്പു കാരണം ഓക്സിജൻ കുറവ് അനുഭവപ്പെടുന്നതു കൊണ്ടാകാം ഈ പ്രയാസം എന്നും ശരീരത്തെ ചൂടാക്കിയാൽ മതിയെന്നും മറുപടി കിട്ടി. ആളു കൾ കൂട്ടംകൂടി നിൽക്കുന്ന ഒരു ഷെഡിൽ സദാ എരിയുന്ന നെരിപ്പോടിനടുത്ത് കിട്ടി യ ഒരു സ്ഥലത്ത് ഉമ്മയെ ഇരുത്തി. ചൂടുചായക്കൊപ്പം കൈ കാലുകൾ ചൂടുപിടിപ്പിച്ചുകൊണ്ട് കുറെ നേരം അവിടെ ഇരുന്നു. കുറച്ച് കഴിഞ്ഞപ്പോഴേക്കും അൽപം ആശ്വാസം കിട്ടിത്തുടങ്ങി.

ഇറങ്ങിയത് കൂട്ടുകുടുംബ യാത്രക്ക്

2004 മുതൽ ഉപ്പ പി.പി. അബ്ദു റഹ്മാൻ (കൊടിയത്തൂർ) പശ്ചിമബംഗാളിൽ നടത്തുന്ന ചാരിറ്റി പ്രവർത്തനങ്ങളുടെ ഭാഗമായ സ്കൂളുകളും പള്ളികളും സന്ദർശിക്കുകയായിരുന്നു മക്കളായ ഞങ്ങളുടെ ലക്ഷ്യം.

കൊൽക്കത്തയും ചരിത്രമുറങ്ങുന്ന മുർഷിദാബാദ് പട്ടണവും മൗണ്ട് ഹിറ സ്കൂൾ സ്ഥിതി ചെയ്യുന്ന ശങ്കർപൂർ ഗ്രാമവും കാണാം. കൂട്ടത്തിൽ ഗാങ്ടോക്. സിക്കിം തലസ്ഥാനമായ ഗാങ്ടോക്കിൽ നിന്ന് അധികം അകലെയല്ല ഇന്ത്യ -ചൈന അതിർത്തിയായ നാഥുല പാസ്.

അങ്ങനെ ഉപ്പ, ഉമ്മ, അഞ്ചു മക്കൾ, അവരുടെ കുടുംബങ്ങൾ ചേർന്ന് 25 പേരുണ്ട് യാത്രയിൽ രണ്ടു വയസ്സുള്ള ഹയാമോൾ മുതൽ 69 വയസ്സുള്ള ഉപ്പ വരെ. അതിനാൽ തന്നെ ആയാസരഹിതമായ യാത്രക്ക് കൃത്യമായ പ്ലാനിങ് ആവശ്യമായിരുന്നു. അതേസമയം തന്നെ ചെലവ് പരിധി വിടാനും പാടില്ല.

ഒരാഴ്ച നീളുന്ന യാത്ര. രണ്ടു ദിവസം കൊൽക്കത്ത, ഒരുദിവസം മുർഷിദാബാദ്, വസം സിക്കിം. ഇടയിലെ യാത്രകൾ അടക്കം എട്ടുദിവസം. ചെന്നൈ വരെ ട്രെയിനിലും അവിടെനിന്ന് വിമാനത്തിലും കൊൽക്കത്തയിൽ പോകാൻ പ്ലാനിട്ടു. കൂട്ടത്തിലെ പലരുടെയും കന്നി വിമാനയാത്രയുമായി. 2022 മേയ് ഏഴിന് ഉച്ച തി രിഞ്ഞ്, എയർ ഏഷ്യ ഫ്ലൈറ്റ് കൊൽക്കത്ത നേതാജി സുഭാഷ് ചന്ദ്രബോസ് എയർപോർട്ടിൽ നിലംതൊട്ടു.