ഉപമകൾ മാറ്റിയെഴുതേണ്ട കാലം

ആകയാൽ ലോകമേ, എഴുത്താളരോട് പറഞ്ഞേക്കുക, കണ്ണു നീർത്തുള്ളിയെ സ്ത്രീയോട് ഉപമിക്കുന്ന കാവ്യഭാവന കാലഹരണപ്പെട്ടുവെന്ന്

- 

ലോകത്തെ ഏറ്റവും വലിയ ധനവാൻ ആരാണന്ന് നമുക്കറിയാം, രാജ്യം തിരിച്ചും ഭൂഖണ്ഡം തിരിച്ചുമുള്ള സമ്പന്നരുടെ പട്ടിക ഓരോ വർഷവും പുറത്തിറങ്ങുന്നുണ്ട്. ലോകത്തെ ഏറ്റവും ധീരതയേറിയ വ്യക്തി ആരാണെന്ന് ആർക്കെങ്കിലുമറിയുമോ, അത്തരത്തിൽ ഒരു പട്ടിക പുറത്തിറങ്ങുന്നുണ്ടോ? പറഞ്ഞുകേട്ടിട്ടില്ല. അങ്ങനെ ഒരു ലിസ്റ്റ് സമാഹരിച്ചാലും ഇല്ലെങ്കിലും ആദ്യത്തെ അഞ്ചു പേരുകളെങ്കിലും സ്ത്രീകളുടേതായിരിക്കും. അത് സംവരണമോ ഔദാര്യമോ അല്ല, അങ്ങയറ്റം അർഹതയും അവകാശവുമുള്ള സ്ഥാനങ്ങൾ.