ફિલ્મોની ચાંચિયાગીરી: ‘તમિલ રોકર્સ’ હાજીર હો!

ફિલ્મોની, ફિલ્મ-મૅકિંગની, ફિલ્મી-કલાકારોની વાત કરતી ફિલ્મો બની છે, પણ સિનેમાની પાયરસી કરતી ‘ઘટના' પર જ સિનેમા બની રહ્યું છે. એવી રમૂજ પણ ચાલી રહી છે કે ‘તમિલ રૉકર્સ' સિરીઝ રિલીઝ થતાં જ ‘તમિલ રૉકર્સ' જ તેની પાઇરસી કરશે!

- પાર્થ દવે

કમલ હાસનની ‘વિક્રમ’ જોઈ?’

‘શેના પર છે?’

‘હોટસ્ટાર.’

‘ના યાર. ટેલિગ્રામ પર આવશે પછી જોઈ લઈશ!’ ટેલિગ્રામ ક્લાઉડ બેઝ્ડસર્વિસ આપતું પ્લેટફોર્મ છે, જેમાં છાપાં - મેગેઝિનોથી શરૂ કરીને ફિલ્મો તથા સિરીઝ સુધીનો ડેટા ડાઉનલોડ થઈ શકે છે. ઉપરોક્ત પ્રકારનો સંવાદ હવે નોર્મલ થઈ ચૂક્યો છે. એક આખો વર્ગ છે જે માિ કે સિરીઝ થિયેટર કે ઓટીટી પ્લેટફોર્મ પર નહીં, બલ્કે ટેલિગ્રામ ઉપરથી ડાઉનલોડ કરીને જુએ છે.

નેટફ્લિક્સ, એમેઝોન પ્રાઇમ, હોટસ્ટાર, ઓલ્ટ બાલાજી, ઝીફાઇવ, સોની લિવ વગેરે તમામ ડિજિટલ પ્લેટફોર્મ ઉપરનું કન્ટેન્ટ જોવાની ફીઝ છે. તે ફીઝ આપ્યા વિના મફ્તમાં કન્ટેન્ટ જોનારા લોકો ચિક્કાર છે. કોરોના પછી થિયેટરો બંધ રહ્યાં અને તેની પેરેલલ ઓટીટી આવી ચૂક્યું છે, પણ એક સમયે લ્મિો થિયેટરોમાં જ રિલીઝ થતી. તેની સફ્ળતા-નિષ્ફળતાનો મદાર સિનેમાઘરોના ઓપનિંગ પર રહેતો ત્યારે પણ તેની પાઇરેટેડ કોપીઝ લોકો સુધી પહોંચતી.

ઢગલાબંધ પાયરેડેટ કોપીઝ ઓનલાઇન ઉપલબ્ધ કરાવતી વેબસાઇટનું નામ ‘તમિલ રોકર્સ’ હતું. આ નામ સાંભળતા જ સિનેમા અને ખાસ તો, પાઇરેટેડ કન્ટેન્ટ જોનારા લોકોનાં ભવાં તંગ થયાં હશે! કારણ કે, આ વેબસાઇટે મનોરંજન ક્ષેત્રના નિર્માતાઓની લિટરલી ઊંઘ હરામ કરી નાખી હતી.