એનઆરઆઈ વેડિંગ સ્પેશિયલ

વર-કન્યાને પીઠી ચોળવા સિવાયના કેટલાક પ્રી-વેડિંગકેમિકલવિકલ્પો

- વિનોદ પંડ્યા

અનેક કિસ્સામાં એ પુરવાર થયું છે કે જે મોંઘાં વસો, ફૅશન ટ્રીટમૅન્ટ, ડોકોરેશન હોય તે સારાં જ લાગે, તે જરૂરી નથી. હમણાં ભારતમાં એક ધનિકને ત્યાં લગ્ન યોજાયાં. એક કૌટુંબિક સભ્યએ એવાં કપડાં પહેર્યાં હતાં કે જાણે કવ્વાલ લાગે. ઍક્ટર રણવીર સિંહ એવાં કપડાં પહેરીને આવ્યો હતો કે જાણે જંબુરો લાગે. લગ્નોમાં ખાસ કરીને પુરુષો જે પ્રકારનાં કપડાં પહેરે છે તેમાં સૌંદર્યદૃષ્ટિનો ખૂબ અભાવ જોવા મળે છે. તેનું એક કારણ એ છે કે તેઓને કપડાં કેવા લાગે છે તેના બદલે કેટલાં મોંઘા દેખાય છે અને અલાયદાં દેખાય છે તેના પર વધુ ધ્યાન અપાયું હોય છે. એ જાણીતું છે કે લગ્નમાં તૈયાર થવામાં, સોળે શણગારનો ઠઠારો કરવા માટે સ્ત્રીઓ વધુ નાણાં અને સમય વેડફે છે. અગાઉના સમયમાં હલ્દી, કુમકુમ (પીઠી) વડે સ્નાન કરીને કન્યા તૈયાર થતી હતી. આજે દિવસો અગાઉથી આવી પ્રી-વેડિંગ ટ્રીટમૅન્ટ્સ વડે રૂપાળા દેખાવાની તૈયારીઓ શરૂ થઈ જાય છે. આમાંની ઘણી સ્કિન ટ્રીટમૅન્ટ્સની અસર માનસિક હોય છે. ત્વચા ૫૨ કોઈ અત્યાધુનિક સાધનની લાઇટ વગેરે ફેરવ્યા બાદ ટ્રીટમૅન્ટ આપનાર ટ્રીટમૅન્ટ લેનારને કહે છે કે જુઓ, ચહેરાની ચામડીમાં કેટલી ચમક (ગ્લો) આવી ગઈ છે. કન્યા કે વર એ માની લે છે. હવે પુરુષો પણ આ પ્રકારની ફેસ અને સ્ક્રીન ટ્રીટમૅન્ટ મેળવતા થયા છે. હજારો અને લાખો રૂપિયાનો ખર્ચ કરે છે. પ્રી-વેડિંગ પ્રોસિજરો કેટકેટલા પ્રકારની હોય છે તે જાણવા જેવું છે.