‘અંતરનાદે’ લીધેલા નિર્ણયમાં તમે કદી ખોટા નહીં પડો

જેમને કોઈ ઓળખની જરૂર નથી તેવા ગુજરાતના મુખ્યમંત્રી શ્રી ભૂપેન્દ્રભાઈ પટેલના રાજકીય જીવનથી તો સૌ પરિચિત હશે, પરંતુ અહીં વાત છે તેમના ‘અંતરનાદ’ વિશે..

- હેતલ રાવ

પરિચય

૨૦૧૭ની વિધાનસભાની ચૂંટણીમાં ઘાટલોડિયા મતવિસ્તારમાં આવ્યા, ચૂંટાઈ એ પહેલાં ૧૯૯૫-૯૬, ૧૯૯૯-૨૦૦૦ અને ૨૦૦૪-૦૬માં મેમનગર નગરપાલિકાના સભ્ય અને પછી ૧૯૯૯-૨૦માં તેના પ્રમુખ રહ્યા હતા. ૨૦૦૮થી ૨૦૧૦ સુધી અમદાવાદ મ્યુનિસિપલ કોર્પોરેશનના સ્કૂલ બોર્ડના વાઇસ ચેરમેન પદે, ૨૦૧૦થી ૨૦૧૫ સુધી થલતેજ વોર્ડના કાઉન્સિલર પદે, ૨૦૧૫થી ૨૦૧૭ સુધી અમદાવાદ શહેરી વિકાસ સત્તા મંડળ (ઔડા)ના ચેરમેન પદે, અમદાવાદ મ્યુનિસિપલ કોર્પોરેશનની સ્થાયી સમિતિના અધ્યક્ષ પણ રહ્યા છે.

સાહેબ, આપનો જન્મ ૧૫ જુલાઈ, ૧૯૬૨ના રોજ અમદાવાદમાં થયો હતો, ત્યારે આપનો પરિવાર કયા વિસ્તારમાં રહેતો હતો, એ પરિવારમાં કોણ-કોણ હતા?

મારો જન્મ અમદાવાદના દરિયાપુર વિસ્તારમાં કડવા પોળમાં વસતા એક મધ્યમવર્ગીય પરિવારમાં થયો હતો. પરિવારમાં માતા-પિતા, ભાઈ-બહેનો, બાદાદા બધાં અમે સાથે રહેતાં હતાં.

સર, આપનું બાળપણ પણ ત્યાં વીત્યું? બાળપણ કેવું વીત્યું? ત્યારે કૌટુંબિક વાતાવરણ કેવું હતું?

મારું બાળપણ કડવા પોળમાં જ વીત્યું છે. કૌટુંબિક વાતાવરણમાં મૂલ્યોને મહત્ત્વ વધારે આપવામાં આવતું હતું. અમારા પિતાજી શિક્ષણ સાથે જોડાયેલા હતા. પિતા શિસ્તના આગ્રહી હતા એટલે ઘરમાં શિસ્તનું વાતાવરણ રહેતું.

તમે પોતાની કારકિર્દી કેવી રીતે ઘડી?

હું શાળામાં અભ્યાસ કરતો હતો તે સમયથી ટેકનિકલ શિક્ષણ બાજુ મારો ઝુકાવ વધારે હતો. ગણિત મારો મનગમતો વિષય હતો. એટલે મેં એન્જિનિયરિંગ કરવાનું વિચાર્યું અને પોલિટેકનિકમાં એડમિશન લઈને સિવિલ એન્જિનિયરિંગનો અભ્યાસ કર્યો. અભ્યાસ પૂર્ણ કર્યા બાદ મેં પોતાનો વ્યવસાય કરવાનું નક્કી કર્યું.

યુવાવસ્થામાં આપના આદર્શ કોણ હતા? તેની પાછળ કોઈ ચોક્કસ તર્ક કે લાગણી જોડાયેલી હતી?