બાળપણમાં રોપાયેલા ધંધાના મૂળ બન્યા બ્રાન્ડનું વટવૃક્ષ

અરવિંદભાઈની આજની સ્થિતિ જોતાં ભાગ્યે જ કોઈ વિચારી શકે કે તેમણે કારકિર્દીની શરૂઆત ફળ વેચીને કરી હશે

સક્સેસ મંત્ર

કામની અધિકતા નહિ, અનિયમિતતા મારી નાખે છે અને જીવનમાં મારે કોઈ શત્રુ નથી, હું અજાતશત્રુ છું.

શરૂઆત

કોઈ પણ ધંધો નાનો નથી હોતો, શરત માત્ર એટલી જ કે લક્ષ્ય મોટું હોવું જોઈએ. આ બોધપાઠ મળે છે અરવિંદભાઈ શાહની શૂન્યમાંથી મહાકાય શૉ-રૂમ સુધીની સિદ્ધિયાત્રામાંથી. અરવિંદભાઈની આજની સ્થિતિ જોતાં ભાગ્યે જ કોઈ વિચારી શકે કે તેમણે કારકિર્દીની શરૂઆત ફળ વેચીને કરી હશે. ફળથી ફર્નિચર સુધીની તેમની વિકાસયાત્રામાં સૌથી મોટો ફાળો તેમના જીવનમંત્ર કામની અધિકતા નહિ, અનિયમિતતા મારી નાખે છે. જ્યારે અજાતશત્રુ બની રહેવાના તેમના અભિગમને લીધે તે સફળ બન્યા છે.

અરવિંદભાઈ જૂનાં સંસ્મરણો વાગોળતા કહે છે કે, “મને બાળપણથી જ ધંધામાં રસ હતો. અભ્યાસની સાથે-સાથે હું પિતાની કરિયાણાની દુકાનમાં જઈને બેસતો. ધંધાની ધૂન એવી ચડેલી હતી કે ગામમાં લગ્ન પ્રસંગ હોય તો મંડપની બહાર થેલીમાં ઠંડા પીણાં વેચવા બેસી જતો. અમદાવાદ આવ્યા પછી ધંધા માટે મોકળું મેદાન મળ્યું અને આજે અહીં સુધી પહોંચી શક્યો છું. બાળપણમાં રોપાયેલા ધંધાનાં મૂળ આજે ‘મૂડ ઓફ વૂડ ઇન્ડિયા પ્રા. લિ.' નામની બ્રાન્ડ રૂપી વટવૃક્ષ બનીને વિકસ્યાં છે.’’

બ્રાન્ડ