બ્રોડકાસ્ટ મીડિયાના ક્ષેત્રમાં ઉપલબ્ધ છે વિવિધ વિકલ્પો

ટીવી-રેડિયોમાં કારકિર્દી બનાવવા ઇચ્છતા વિધાર્થીઓ ટેક્નિકલ પાસાંઓની સમજ મેળવીને બ્રોડકાસ્ટ મીડિયામાં વિવિધ પ્રોફાઇલ પર કામ કરી શકે છે

બ્રોડકાસ્ટ મીડિયાને લઈને મોટા ભાગના લોકો એવું વિચારતા હોય છે કે કારકિર્દી બનાવવા માટે આ ક્ષેત્રમાં ખૂબ મર્યાદિત વિકલ્પો ઉપલબ્ધ છે, પણ એવું નથી. બ્રોડકાસ્ટ મીડિયાના ક્ષેત્રમાં પણ વિવિધ પદ પર કામ કરીને વ્યક્તિ પોતાની કારકિર્દીને નવી દિશા આપી શકે છે અને પ્રગતિ સાધી શકે છે. એવા લોકો જેઓ સર્જનાત્મક અભિગમ ધરાવે છે, મૌલિક વિચારોને વાચા આપવા ઇચ્છે છે, કલ્પનાઓને આકાર કરવાની આવડત ધરાવે છે તેમના માટે આ ક્ષેત્રમાં ઉજ્જવળ ભવિષ્ય રહેલું છે. ટીવી-રેડિયોમાં કારકિર્દી બનાવવા ઇચ્છતા વિધાર્થીઓ ટેક્નિકલ પાસાંઓની સમજ મેળવીને બ્રોડકાસ્ટ મીડિયામાં વિવિધ પ્રોફાઇલ પર કામ કરી શકે છે. બ્રોડકાસ્ટ મીડિયામાં કારકિર્દી બનાવવા માટે વ્યક્તિએ બ્રોડકાસ્ટ કમ્યુનિકેશન અથવા બ્રોડકાસ્ટ જર્નાલિઝમનો અભ્યાસ કરવો પડે છે. ભાષા અને અવાજના આરોહ-અવરોહ પર પ્રભુત્વ ધરાવતા તેમ જ સામાન્ય જ્ઞાનની સમજ રાખતા વિધાર્થીઓ બ્રોડકાસ્ટ મીડિયા પર પસંદગી ઉતારી શકે છે.

બ્રોડકાસ્ટ મીડિયામાં કઈ પ્રોફાઇલ પર કામ કરી શકાય

સામાન્ય રીતે લોકોને એવો જ ખ્યાલ હોય છે કે બ્રોડકાસ્ટ મીડિયા એટલે ટીવી અને રેડિયોમાં એન્કરિંગ કરવું. ન્યૂઝ રીડર બનવું કે વીડિયો જોકી બનવું. જોકે આ બધી પ્રોફાઇલ ઉપરાંત પણ અન્ય પદો પર કામ કરવાની તક મેળવી શકો છો.

ન્યૂઝ પ્રોડ્યુસર: