વિઝા વિમર્શ સાવધાન!

મોટા ભાગે રિજનલ સેન્ટરના પ્રતિનિધિઓ રોકાણકારોને એગ્રીમેન્ટમાં લખેલ આ શરતની જાણ કરતા નથી. સો પાનાંનું એગ્રીમેન્ટ રોકાણકારો જાતે વાંચતા નથી

- ડો.સુધીર શાહ

ઈશુ ખ્રિસ્તનું વર્ષ ૨૦૨૩ પૂરું થઈ ગયું. વર્ષ ૨૦૨૪ની શરૂઆત થઈ ગઈ. ગયા વર્ષથી ‘અમેરિકા અને આપણે' આ શીર્ષક હેઠળ આ કટારના લેખકે ‘અભિયાન’ના વાચકોને અમેરિકાના ઇમિગ્રેશનનો ઇતિહાસ અને એના કાયદાઓ ઉપર જાણકારી આપવાનું શરૂ કર્યું છે. આજે નવા વર્ષમાં આ કટારના લેખકને ‘અભિયાન’ના વાચકોને સાવધાન કરવાની જરૂર જણાય છે.

અમેરિકાના ઇબી-પ પ્રોગ્રામ હેઠળ અમેરિકાની સરકારે માન્ય કરેલ રિજનલ સેન્ટરમાં દસ લાખ પચાસ હજાર ડૉલર અને જે રિજનલ સેન્ટર પછાત પ્રદેશમાં યા ટાર્ગેટેડ ઍમ્પ્લૉયમૅન્ટ એરિયામાં કાર્ય કરતું હોય એમાં આઠ લાખ ડૉલરનું રોકાણ કરતાં અને એ રિજનલ જે પ્રોજેક્ટ કરી રહી છે, જેમાં પરદેશી રોકાણકારો રોકાણ કરી રહ્યા છે એ પ્રોજેક્ટમાં, દરેક રોકાણકારો દીઠ દસ અમેરિકનોને ફુલટાઇમ સીધી યા આડકતરી રીતે નોકરીમાં રાખતા રોકાણકારને અને એની સાથે-સાથે એની પત્ની યા પતિ અને ૨૧ વર્ષથી નીચેની વયના અવિવાહિત સંતાનોને ગ્રીનકાર્ડ આપવામાં આવે છે.

રોકાણની રકમ કાયદેસર મેળવેલી વ્હાઇટની હોવી જોઈએ. એ ક્યાંથી આવી અને રોકાણકારે કેવી રીતે મેળવી એ ‘સોર્સ ઑફ ફંડ’ અને ‘પાર્થ ઑફ ફંડ’ દેખાડી આપવાનું રહે છે.