મૂવી ટીવી

કલાકારો પોતાનું ધ્યાન રાખે છે, પોતાના ચાહકોનું નહીં

- પાર્થ દવે

૨૦૨૨થી વિમલ પાન મસાલાની જાહેરાતમાં અજય દેવગણ, શાહરુખ ખાન અને અક્ષય કુમાર દેખાતા હતા, પરંતુ લોકોની આલોચના બાદ અક્ષય કુમાર હવે આ જાહેરાતમાંથી બહાર નીકળી ગયો છે. લોકોએ અક્ષય કુમારની નિંદા કરતા લખ્યું હતું કે, ‘એક તરફ તે સ્વાસ્થ્ય જાળવવાની વાતો કરે છે અને બીજી તરફ તે વિમલ જેવા પાન મસાલા કંપનીની જાહેરાત કરે છે.' આ પ્રકારની નિંદા બાદ તેણે આ જાહેરાતમાંથી નીકળી જવાનું નક્કી કર્યું છે અને લોકોની માફી પણ માગી છે. અક્ષય કુમારના નીકળી ગયા બાદ હવે તેની ફિલ્મ ‘છોટે મિયાં બડે મિયાં'ના કો-એક્ટર ટાઈગર શ્રોફ, વિમલ પાન મસાલાની જાહેરાતમાં જોવા મળશે.

લોકોની આલોચનાનો ભોગ બન્યા બાદ અક્ષય કુમારે એક લાંબું સ્ટેટમેન્ટ આપીને લોકોની માફી માંગતા લખ્યું હતું કે, ‘હું મારા તમામ ફેન અને શુભચિંતકોની માફી માગવા ઇચ્છું છું, કારણ કે છેલ્લા તે શ મા દિવસોમાં તમારા સૌના પ્રતિભાવથી મને ઘણું જ દુ:ખ પહોંચ્યું છે. અલબત્ત, મેં તમાકુનો પ્રચાર કર્યો નહોતો અને આગળ  કરીશ પણ નહીં, તેમ છતાં વિમલ પાન મસાલાની જાહેરાતમાં મારા જોડાવવાથી તમને થયેલા દુ:ખની મને કદર છે. હું પૂરી વિનમ્રતા સાથે પીછેહઠ કરું છું અને આ જાહેરાતથી મને મળેલા પૈસા દાન કરવાનું મેં નક્કી કર્યું છે. કોન્ટ્રેક્ટનો સમયગાળો છે ત્યાં સુધી જાહેરાત તે લોકો બતાવતા રહેશે. હું આપ સૌને વચન આપું છું કે ભવિષ્યમાં આવા નિર્ણય લેતી વખતે હું સજાગ રહીશ અને એના બદલામાં આપ સૌ પાસેથી શુભેચ્છાઓની અપેક્ષા છે.'