મૂવી-ટીવી

વારસામાં મળેલા સિદ્ધાંતો ક્યારેય નથી છોડ્યાઃ રાગિણી શાહ

- પાર્થ દવે

રાગિણી શાહે અઢળક ગુજરાતી ફિલ્મોમાં કામ કર્યું છે. એ પછી ‘રાખનાં રમકડાં' હોય કે ‘ કાશીનો દીકરો', જેના માટે તેમને નેશનલ એવોર્ડ નેશનલ મળ્યો છે. કલર્સ ચેનલ પર તેમની ‘યુનાઇટેડ સ્ટેટ્સ ઓફ ગુજરાત' સિરિયલ રજૂ થઈ રહી છે.

રાગિણી શાહ પોતાના અભિનય-સફર વિશે વાતની શરૂઆત કરતાં ‘અભિયાન'ને કહે છે, ‘આજે વિચારું છું ત્યારે થાય છે કે સમય કેટલો ઝડપથી પસાર થઈ જાય છે. હું પચાસ વર્ષથી આ ક્ષેત્ર સાથે સંકળાયેલી છું. પહેલાં મેં નાટકો કર્યાં, પછી ગુજરાતી અને હિન્દી સિરિયલો અને હવે હું ફિલ્મઉદ્યોગ સાથે સંકળાયેલી છું. આટલા દશકાઓમાંથી હું પસાર થઈ છું અને મારું કામ અવિરત છે. આનંદની વાત એ છે કે હજુ સુધી મારા દર્શકો, પ્રેક્ષકો અને રેડિયોમાં પણ કામ કર્યું હોવાને લીધે – શ્રોતાઓઃ આ બધા મને પ્રેમથી – આવકારે છે અને એટલે જ મને કામ કરવાનો આનંદ આવે છે.'