ઈઝરાયલનો પ્રતિશોધ ક્યાં અટકશે?

ગાઝા પટ્ટીથી થયેલા હુમલાને એક વર્ષ થવા આવ્યું છે ત્યારે ઈઝરાયલ આદું ખાઈને ઈસ્લામી આતંકી સંગઠનોની પાછળ પડ્યું છે. આ જૂથોના જે આગેવાન જ્યાં હાથમાં આવે ત્યાં એને ખતમ કરવા માટે ઈઝરાયલ મોટાં જોખમ પણ લઈ રહ્યું છે. ઈઝરાયલનું ઝનૂન જોતાં લાગે છે કે એનો જંગ ઝટ પૂરો નહીં થાય.

- હીરેન મહેતા

એક વાર ખત્તા ખાઈ બેસેલું ઈઝરાયલ એના પરના સૌથી ભીષણ એ દેશો પર રીતસર તૂટી પડ્યું છે. પોતાની પશ્ચિમે આવેલા ગાઝા પટ્ટીના નાનકડા વિસ્તારને લગભગ આખેઆખો ઉધ્વસ્ત કરી નાખ્યા પછી ઈઝરાયલે એની ઉત્તર અને પૂર્વ તરફના લેબેનોન, સીરિયા અને ઈરાનને સુદ્ધાં ધમરોળવા માંડ્યા છે.

ગયા ઑક્ટોબરના પહેલા સપ્તાહમાં ગાઝા પટ્ટી પર નિયંત્રણ ધરાવતા પેલેસ્ટિન આતંકી સંગઠન હમસ (હરકત-ઉલ-મુક્કાવમહ અલઈસ્લામિયા)ના સેંકડો મારા ઈઝરાયલમાં ઘૂસી આવ્યા અને સાથોસાથ મિસાઈલની વર્ષા કરી અનેક લોકોને મારી નાખ્યા અને ઘણાનું અપહરણ પણ કર્યું. અભેદ્ય સુરક્ષાવ્યવસ્થા માટે વિશ્વભરમાં જાણીતા ઈઝરાયલ માટે હમના હુમલાને કારણે અતિ ક્ષોભજનક સ્થિતિ ઊભી થઈ હતી, પણ એનો વસવસો કરતાં બેસી રહેવાને બદલે ઈઝરાયલે બીજા જ દિવસથી ગણી ગણીને બદલો લેવાનું શરૂ કર્યું અને એ લાયમાં માત્ર ગાઝામાં ૪૦ હજારથી વધુ લોકોના જાન લીધા. હમસની આખી નેતાગીરીને ખતમ કરવાની સાથે ઈઝરાયલે ઔર એક ઈસ્લામી ઉગ્રવાદી જૂથ હેઝબુલ્લાહ પર પણ લક્ષ્ય સાધ્યું છે.

એક મકાન નીચેના ભોંચરામાં ભરાયેલા ‘હેઝબુલ્લાહ’ના વહા હસન નસરલ્લાહના સાત મેળવી ઈઝરાયલે એને ધ્વસ્ત કરી નાખ્યું. ગાઝાની જેમ લેબેનોનમાં પણ ઈઝરાયલી બૉમ્બમારાએ સેંકડો લોકોના જાન લીધા છે.