આયુષ્યમાન કાર્ડથી બનો ધનવાન..!

મફત આરોગ્ય કૅમ્પની જાહેરાત ઠેર ઠેર વાંચવા મળે છે. આઘાતજનક વાત એ કે ગુજરાતની અમુક ખાનગી કે કૉર્પોરેટ હૉસ્પિટલના સંચાલકોએ આરોગ્ય નિદાન કૅમ્પને સેવાને બદલે મેવા એટલે કે દરદી મેળવવાનો ધંધો બનાવી દીધો છે. અમદાવાદની હૉસ્પિટલનો તાજો કિસ્સો આંખ ઉઘાડનારો છે.

- મહેશ શાહ (અમદાવાદ)

ફ્રી રોગ નિદાન... રાહત દરે સારવાર... ઓછા ભાવથી દવા... આજે જ રજિસ્ટ્રેશન વિનામૂલ્યે કરાવો...

આવી જાહેરખબર કરીને સામાજિક સંસ્થા કે હૉસ્પિટલો દ્વારા ગ્રામીણ વિસ્તારમાં ચલાવાતા હેલ્થ કૅમ્પથી ઘણા દરદીઓ દર્દમુક્ત થાય છે, પણ ક્યારેક આવી સારવાર દરદીને સરવાળે મોંઘી પણ પડે છે. પૈસેટકે નહીં તો બીજી રીતે પણ! પાછલાં વર્ષોમાં અમદાવાદ ઉપરાંત સૌરાષ્ટ્રમાં મેડિકલ કૅમ્પમાં મોતિયાનાં ઑપરેશન કરાવનારા અમુક દરદીએ દૃષ્ટિ ગુમાવી, કૅમ્પની ટીમે દરદીઓને ગેરમાર્ગે દોર્યા હોય કે અનાવશ્યક સારવાર જલદી કરાવવા ગભરાવ્યા હોય એવા કિસ્સા પણ બન્યા છે અને બનતા રહે છે.

આવી છેતરપિંડીમાં તાજેતરમાં અમદાવાદની ખ્યાતિ મલ્ટિ સ્પેશિયાલિટી હૉસ્પિટલનું નામ પણ ઉમેરાયું. અમદાવાદમાં સરખેજ-ગાંધીનગર (એસજી) હાઈ-વે પર આવેલી આ હૉસ્પિટલના સંચાલકોએ દસ નવેમ્બરે મહેસાણા જિલ્લાના કડી તાલુકાના બોરીસણા ગામમાં આરોગ્ય નિદાન કૅમ્પ યોજ્યો હતો, એમાં ૮૩ જણે ચેકઅપ કરાવ્યું. કૅમ્પ ટીમે કેટલાક દરદીઓને ગભરાવ્યા કે તમારી નળીમાં બ્લૉકેજ છે એટલે જલદી પરીક્ષણ કરાવજો... અને તમારી પાસે આયુષ્યમાન કાર્ડ હશે તો અમારે ત્યાં મફત સારવાર થશે! કદાચ એટલે આયુષ્યમાન કાર્ડ ધરાવનાર છ મહિલા સહિત કુલ ૧૯ દરદી

બીજી સવારે (૧૧ નવેમ્બર) અમદાવાદની ખ્યાતિ હૉસ્પિટલે પહોંચ્યાં. એ તમામની એન્જિયોગ્રાફી કરવામાં આવી અને એમાંથી સાત દરદીની એન્જિયોપ્લાસ્ટી થઈ એટલે કે એમની રક્તનલિકામાં સ્ટેન્ટ બેસાડવામાં આવી.

જો કે સ્ટેન્ટ મુકાવનારા નાગરભાઈ સેનમા (૬૫ વર્ષ) અને મહેશ બારોટ કે (૪૫ વર્ષ)ની તબિયત લથડતાં એમણે થોડા કલાકોમાં અંતિમ શ્વાસ લીધા.

કહેવાય છે કે સર્જરી પછીની તકેદારીમાં હૉસ્પિટલે બેદરકારી દાખવી એટલે દરદીનાં મોત થયાં.

ચોંકાવનારી વાત એ કે હૉસ્પિટલે એન્જિયોપ્લાસ્ટી કરતાં પહેલાં દરદીના સ્વજનોની સહમતી લીધી નહોતી. આવી સારવારથી અજાણ પરિવારજનોએ ખ્યાતિ હૉસ્પિટલમાં જઈને હોબાળો મચાવ્યો, એના પગલે આયુષ્યમાન કાર્ડનું કૌભાંડ બહાર આવ્યું... અને પછી તો તબીબી આલમ અને ગુજરાત સરકારમાં હો-હા મચી ગઈ.

સરકાર વતી અમદાવાદની સોલા સિવિલ હૉસ્પિટલના અધિકારી ડૉ.