ഹൈബ്രിഡ് പച്ചനാരങ്ങ

ഇമേജ് ബുക്ക്

-  ദത്തൻ പുനലൂർ

നിഴലും വെളിച്ചവും കൊണ്ടുള്ള ചിത്ര രചനയാണ് ഫോട്ടോഗ്രാഫി എന്നത്. ഒരു പേപ്പറിൽ വെറുതെ കുത്തിവരച്ചാൽ അതിനെ ആർട്ട് എന്നുപറയാനാവില്ല! നല്ല ഭാവനയോടെ സൃഷ്ടി നടത്തിയാലെ അത് നല്ല ഒരു കലാരൂപമാകൂ. അതുപോലെ ഫോട്ടോ ഗ്രാഫിയിൽ ആവശ്യം വേണ്ട ഘടകമാണ് ക്രിയേറ്റിവിറ്റി. ഏതെങ്കിലും ഒരു ഫോട്ടോ കണ്ടാൽ അതുപോലെ അനുകരിക്കുകയല്ല മറിച്ചു ആ ആശയങ്ങളെ ഉൾക്കൊണ്ട് സ്വന്തം ക്രിയറ്റിവിറ്റിയിലൂടെ പുതിയ സൃഷ്ടി നടത്തു കയാണ് വേണ്ടത്. എങ്കിലും ഓരോരുത്ത രുടെയും കാഴ്ചക്കും കാഴ്ച്ചപ്പാടുകൾക്കും വ്യത്യാസമുണ്ടായിരിക്കും എന്നത് മറ്റൊരു വസ്തുതയാണ്. അഭിരുചിയിൽ വരുന്ന മാറ്റ മാണ് ഇതിനു കാരണം. ഉദാഹരണമായി പറ യട്ടെ. ഒരു മരക്കഷണം കിട്ടിയാൽ ഒരാൾ അതുവെട്ടിക്കീറി വിറകായി അടുപ്പിൽ ഉപ യോഗിയ്ക്കുന്നു. മറ്റൊരാൾ അത് വണ്ടി ഉരുണ്ട് പോകാതിരിക്കാൻ ടയറിനടിയിൽ തട യായി വയ്ക്കുന്നു. വേറൊരാൾ അതിൽ നിന്ന് മനോഹരമായ ശിൽപ്പം കൊത്തിയെടുക്കുന്നു. അതുപോലെ പലരുടെയും സങ്കൽപ്പങ്ങളും ആശയങ്ങളും പലതായിരിക്കും.