యువా.. చూపించు నీ హవా..!

ఓటు వజ్రాయుధం.. అది రాజ్యాంగం మనకిచ్చిన ఆయుధం

• రా.. ఓటు వేద్దాం! నేతల తలరాతల్ని మారుద్దాం...

• ఓటు అంటే పవర్..పార్టిసిపేషన్.. లైఫ్.. ఎక్స్ ప్రెషన్

• ఓటు వజ్రాయుధం.. అది రాజ్యాంగం మనకిచ్చిన ఆయుధం

• ఓటేసి రావడం అంటే..అసమర్థుడిపై వేటేసి, సమర్ధుడికి పీటేసినట్లే

“నా దేశ ప్రజలకు కత్తిని చేతికి ఇవ్వలేదు.. ఓటు హక్కును  ఆయుధంగా ఇచ్చాను!

-డా. బి.ఆర్ అంబేద్కర్ 

పెరుమాళ్ళ నర్సింహారావు, ఆదాబ్ హైదరాబాద్ ప్రత్యేక ప్రతినిధి ఓటు హక్కు భారత రాజ్యాంగం ప్రసాదించిన ఆయుధం.ఆ ఆయుధాన్ని సరైన రీతిలో వాడి, మన భవిష్యత్తును సరిదిద్దుకునే అవకాశం వచ్చింది. 18 ఏళ్లు పూర్తి చేసుకుని ఓటరు జాబితాలో స్థానం సంపాదించుకున్నారు.ప్రపంచంలోనే అతిపెద్ద ప్రజాస్వామ్యమైన భారతదేశంలో ఒక ఓటరుగా తొలిసారి తెలంగాణ శాసనసభ ఎన్నికల్లో ఓటు వేయబోతున్న యువ ఓటర్లకు ఈ వార్త అంకితం. నవంబర్ 30న తెలంగాణలో జరగబోయే ఎన్నికల్లో 30 శాతంగా ఉన్న యువ ఓటర్లే జంగ్ సైరన్ మోగించబోతున్నారు. తెలంగాణ శాసనసభ ఎన్నికల్లో ఎవరు అసెంబ్లీకి వెళ్ళాలో నేటి యువతే నిర్ణయించబోతోంది. రా.. ఓటేద్దాం! నేతల తలరాతల్ని మారుద్దాం..!