నైన్ నయవంచన

• జాయినింగ్ కాలేజ్లో.. కోచింగ్ అకాడమీలో • అనధికారికంగా తరగతులు • ఒక్కో విద్యార్థి నుంచి రూ. 1.60-2.60 లక్షలు వసూలు చేస్తున్న వైనం

• ప్రతీఏటా కోట్ల రూపాయల్లో వ్యాపారం 

• జీఎస్టీని ఎగవేస్తున్న నైన్ ఎడ్యుకేషన్

• శివానుజ, శ్రీ ఆకాష్ కళాశాలల విద్యార్థులకు నైన్ ఎడ్యుకేషన్లో కోచింగ్

• ప్రతీఏటా వందమంది స్టూడెంట్స్ తరలింపు

• ఆమ్యామ్యాలు దిగమింగి సైలెంట్ అవుతున్న రంగారెడ్డి, హైదరాబాద్ డీఐఈవోలు

అవినీతి అంబోతులకు శాఖతో పనేముంది అన్నట్లుంది యవ్వారం. అందుకేనేమో ఇంటర్ బోర్డులో అవినీతి తిమింగలాలు ఇచ్చిన అండతో రంగారెడ్డి, హైదరాబాద్ లోని నైన్ ఎడ్యుకేషన్ అకాడమీ నిర్వాహకులు అడ్డగోలుగా రెచ్చిపోతున్నారు. ఈ రెండు జిల్లాల పరిధిలో పలు కళాశాలలతో కుమ్ముక్కై అందిన కాడికి దండుకుంటున్నారు. వీరి అక్రమ సంపాదనకు జిల్లా ఇంటర్మీడియట్ విద్యాధికారులు రెండు చేతులు తమవంతు సహకారాన్ని అందజేస్తున్నారు. నవ్విపోదురుగాక నాకేంటి సిగ్గన్నట్లు.. చేసేది పూర్తిగా ఇజ్జత్ తక్కువ పనే అయినా.. అందరు తోడు దొంగలు కలిసి జరిగే అక్రమ వ్యాపారంలో ఎవరి వాటాలను వారు దర్జాగా పంచేసుకుంటున్నారు.