జంట మున్సిపాల్టీలలో లంచాల మత్తులో కమీషనర్లు..?

• బోడుప్పల్, పీర్జాదిగూడ మున్సిపాల్టీలలో ఆగని అక్రమ నిర్మాణాలు.. • అక్రమ నిర్మాణాలకు అధికారుల అండదండలు

వేణుగోపాల్ రెడ్డి బోడుప్పల్ మున్సిపల్ కమీషనర్

నమ్యా నాయక్ పీర్జాదిగూడ మున్సిపల్ కమీషనర్

• నిర్మాణాల్లో కమీషనర్లు, టౌన్ ప్లానింగ్ అధికారుల చేతివాటం..

• యథేచ్ఛగా పుట్టగొడుగుల్లా వెలుస్తున్న భారీ కట్టడాలు

• అడ్డుఅదుపులేని నిర్మాణాలతో సామాన్యులకు తిప్పలు బోడ 

• అదుపుతప్పిన మున్సిపాల్టీలు, నియంత్రణ కోల్పోయిన అధికారులు

• చిరు ఉద్యోగులు కూడా కోట్లు వెనకేసుకుంటున్న వైనం పై ఆదాబ్ హైదరాబాద్ అందిస్తున్న ప్రత్యేక కథనం

మేడిపల్లి,11 ఫిబ్రవరి (ఆదాబ్ హైదరాబాద్) : మేడ్చల్ జిల్లాలోని జంట మున్సిపల్ కార్పొరేషన్ల (బోడుప్పల్ నగరపాలక సంస్థ, పీర్జాదిగూడ మున్సిపాల్టీలలో) అక్రమ నిర్మాణాలకు అడ్డూ అదుపు లేకుండా పోయింది.. అక్రమార్కులిచ్చే కానుకలను మురిసిపో తున్న కమీషనర్లు, కొంతమంది అధికారులు అక్రమ నిర్మాణాలను సైతం సక్రమ నిర్మాణాలుగా చేసి కానుకలకు ప్రతిఫలం చూపిస్తున్నారు. అక్రమ సంపాదనకు అలవాటు పడిన కొంతమంది అధికారులు స్వయంకృత అపరదాలే ప్రభుత్వ ఆదాయానికి గండి కొడుతున్నాయని పలువురు విశ్లేషకులు తమ అభిప్రాయాన్ని వ్యక్తం చేస్తున్నారు. వివరాల్లోకి వెళ్ళితే బోడుప్పల్ నగరపాలక సంస్థ, పీర్జాదిగూడ మున్సిపాల్టీలలో వందల సంఖ్యలో పుట్టగొడుగుల్లా అక్రమ నిర్మాణాలు పుట్టుకొస్తున్నాయి.