భాగ్యనగరంలో కేరళ రాష్ట్ర మున్సిపల్ కార్పొరేషన్ బృందం

-జిహెచ్ఎంసిని సందర్శిచిన కేరళ మున్సిపల్ కార్పొరేషన్ మేయర్లు, మున్సిపల్ చైర్మన్లు..

హైదరాబాద్, 26 ఫిబ్రవరి (ఆదాబ్ హైదరాబాద్: హైదరాబాద్ నగరాన్ని గ్రీన్ అండ్ క్లీన్ సిటీగా రూపొందించడానికి ప్రత్యేక దృష్టి సారించి ప్రణాళిక బద్ధంగా చర్యలు తీసుకుంటున్నామని హైదరాబాద్ నగర పాలక సంస్థ మేయర్ గద్వాల్ విజయలక్ష్మి పేర్కొన్నారు. కేరళ రాష్ట్రం మున్సిపల్ మేయర్లు, మున్సిపల్ చైర్మన్లు మొత్తం 58 మంది బృందం జిహెచ్ఎంసిలో అమలు చేస్తున్న బెస్ట్ ప్రాక్టీసెస్పై అధ్యయనం చేయడానికి సోమవారం హైదరాబాద్ కు వచ్చారు.. ఈ సందర్భంగా వారు జిహెచ్ఎంసి మేయర్ గద్వాల్ విజయలక్ష్మి గారిని, కమిషనర్ రోనాల్డ్ రోస్ను మర్యాద పూర్వకంగా కలిసారు. జిహెచ్ఎంసిలో అమలు చేస్తున్న ఆయా కార్యక్రమాల గురించి అడిగి తెలుసుకున్నారు. ఈ సంద ర్భంగా మేయర్ గద్వాల్ విజయలక్ష్మి మాట్లాడుతూ.. హైదరా బాద్ నగర అభివృద్ధికి పారిశుద్ధ్య నిర్వహణతో పాటు పచ్చద నాన్ని పెంచడం, టౌన్ ప్లానింగ్, క్లీన్ అండ్ గ్రీన్ సిటీగా రూపొందించే దిశగా చర్యలు చేపట్టామని, అందులో సత్ఫలితాలు సాధిస్తున్నామని తెలిపారు. ఈ సందర్భంగా పవర్ పాయింట్ ప్రజెంటేషన్ ద్వారా నగర అభివృద్ధికి చేపట్టిన ఆయా కార్యక్ర మాలను సంబంధిత అధికారులు వారికి వివరించారు. సాలిడ్ వేస్ట్ మేనేజ్మెంట్ ప్రాజెక్ట్ నిర్వహణ, ఇంటింటికి చెత్త సేకరణ, సి అండ్ డి వేస్ట్ ప్రాసెసింగ్ ప్లాంట్ లు, వేస్ట్ రీసైక్లింగ్ మెటీరియల్, తదితర అంశాలను పవర్ పాయింట్ ప్రజెంటేషన్ ద్వారా వివరించారు..