అభ్యర్థి ఎవరైనా..గెలుపు మాదే..

• హైదరాబాద్ లో ప్రతి ఒక్కరూ ఓటేయాలని పిలుపు  • కవిత అరెస్ట్ పై కేసీఆర్ ఎందుకు స్పందించలేదు • కవిత అరెస్ట్కు తెలంగాణకు సంబంధం ఏమిటి

• కేజ్రివాల్ అరెస్ట్ చీకటి రోజు ఎలా అవుతుంది 

• ఢిల్లీ అవినీతి ఊడలు తెలంగాణ దాకా పాకాయి

• అరెస్ట్లతో బీజేపీకి ఏం సంబంధమో చెప్పాలి

• కేసీఆర్పై మండిపడ్డ బీజేపీ రాష్ట్ర అధ్యక్షుడు కిషన్ రెడ్డి

హైదరాబాద్ 23 మార్చి (ఆదాబ్ హైదరాబాద్ : తప్పు చేసిన వారిని అరెస్టు చేస్తే కక్ష సాధింపు ఎలా అవుతుందో కేసీఆర్ సమాధానం చెప్పాలని కేంద్రమంత్రి, భాజపా రాష్ట్ర అధ్యక్షుడు కిషన్రెడ్డి డిమాండ్ చేశారు. కవిత అరెస్ట్కు తెలంగాణకు సంబంధం ఏమిటని ప్రశ్నించారు. శనివారం నాంపల్లిలోని పార్టీ కార్యాలయంలో ఏర్పాటు చేసిన మీడియా సమావేశంలో ఆయన మాట్లాడారు. ఢిల్లీ మద్యం కుంభకోణం కేసులో కేంద్ర దర్యాప్తు సంస్థలు పలుమార్లు నోటీసులు ఇచ్చినా.. సమాధానం ఇవ్వకుండా తప్పించుకున్నారన్నారు. ఢిల్లీ లిక్కర్ స్కామ్ సాక్ష్యాలు ఉన్నాయి. ఈ కేసులో తమ కుటుంబానికి, ఢిల్లీ సీఎం కేజీవ్రాల్కు సంబంధం లేదని కేసీఆర్ చెప్పగలరా అని ప్రశ్నించారు. మద్యం పాలసీలో ఢిల్లీలోని ఆప్ ప్రభుత్వం అవకతవకలు చేసింది. ఢిల్లీలో తీగ లాగితే తెలంగాణలో దొరికింది. కేజీవ్రాల్, కవిత అరెస్టును దేశమంతా సమర్థిస్తోంది. ఈ కేసుకు సంబంధించి కేసీఆర్ చర్చకు మేం సిద్ధం. అక్రమాలను ఆధారాలతో సహా నిరూపిస్తా. కేజీవ్రాల్ తప్పు లేదని కేసీఆర్ నిరూపించగలరా అని నిలదీసారు. కవిత అరెస్టుకు తెలంగాణ రాజకీయాలకు సంబంధం లేదని అన్నారు.కేజీవ్రాల్ అరెస్టును ఖండించిన కేసీఆర్.. కవిత అరెస్టుపై ఎందుకు స్పందించలేదన్నారు. కవిత అరెస్టు విషయంలో కేసీఆర్ మౌనానికి కారణమేంటో ప్రజలకు చెప్పాలి. కాళేశ్వరం అవినీతిపై దమ్ముంటే సీఎం రేవంత్రెడ్డి సీబీఐ విచారణ జరిపించాలన్నారు.