నిండా ముంచిన ఫ్రీ లాంచింగ్

• నాల కన్వర్షన్ ఊసేలేదు.. • గ్రీన్ రిచ్ మరో సాహితి కానుందా..? • లాంచింగ్ పేరుతో 400 ప్లాట్లు బుకింగ్..

• 25 ఎకరాల్లో యదేచ్ఛగా వెంచర్ నిర్మాణం..

• అక్రమార్కులకు అధికారుల అండ..

• వెంచర్ పామేన గ్రామం.. చేవెళ్ల అంటూ బురిడీ..

• హెచ్ఎండిఏ డిటిసిపి రేరా అనుమతులు జాడే లేదు..

ఫ్రీ లాంచింగ్ పేరుతో కొన్ని రియల్ ఎస్టేట్ సంస్థలు అమాయకులను నట్టేట ముంచుతున్నాయి.. 25 ఎకరాల్లో యదేచ్చగా అక్రమ వెంచర్ నిర్మాణం సాగిస్తూ అందిన కాడికి దోచుకుంటూ కొనుగోలుదారుల నెత్తిన కుచ్చుటోపి పెడుతున్నాయి.. వెంచరేమో పామేన గ్రామంలో.. బ్రోచేరేమో చేవెళ్ల అంటూ బురిడీ కొట్టిస్తూ కోట్ల రూపాయల ప్రజాధనాన్ని లూటీ చేస్తున్నాయి.. ఫ్రీ లాంచింగ్ పేరుతో * ఆదివారం 400 ప్లాట్లు బుకింగ్ చేసిన గ్రీన్ రీచ్, సి ఆర్ డెవలపర్ పేరుతో హెచ్ఎండిఏ, డిటిసిపి, రేరా కనీసం గ్రామపంచాయతీ అనుమతులు కూడా తీసుకోక పోవడం స్థానిక ప్రజలను ఆశ్చర్యానికి గురిచేస్తుంది .. పేరు గొప్ప ఊరు దిబ్బ అన్న చందంగా ఈ ప్రాంత ప్రజలు భావిస్తున్నారు.. గ్రీన్ రిచ్, సిఆర్ డెవలపర్స్ పేరుతో ఈ అక్రమ వెంచర్ అమీన్పూర్ లో మోసగించి కోట్ల రూపాయలు కొల్లగొట్టిన సాహితి ఇన్ద్ర డెవలపర్స్ కానుందా..? అనే సందేహాలు సర్వత్రా వ్యక్తమవుతున్నాయి...