ఆదాబ్ కథనానికి ఇంటర్ బోర్డు రియాక్షన్

• తడబడుతూ వివరణ ఇచ్చే ప్రయత్నం • కళ్లకు కడుతున్న అధికారుల నిర్లక్ష్యం • ఇంకా 2012 - 13 ఫీజు స్ట్రక్చరే కొనసాగింపు 

• 2023-24 ఫీజు ఎంతో చూపించని వైనం 

• ఆల్రెడీ అన్ని ప్రైవేటు కాలేజీల్లో అడ్మిషన్లు పూర్తి 

• ఫీజు డిసైడ్ చేయని బోర్డు ఆఫ్ ఇంటర్మీడియట్

• కార్పోరేట్ కాలేజీలకు వంత పాడుతున్న బోర్డు

• మొద్దు నిద్రలో ప్రభుత్వ పెద్దలు

హైదరాబాద్ 29 మే (ఆదాబ్ హైదరాబాద్): 'శ్రీ చైతన్యనా మజాకా' అనే శీర్షికతో నిన్న ఆదాబ్ లో వచ్చిన కథనానికి బోర్డు ఆఫ్ ఇంటర్మీడియట్ షేక్ అయింది. కార్పోరేట్ కాలేజీల్లో చేస్తున్న దోపిడీని ఇంటర్మీడియట్ బోర్డు అడ్డుకోలేకపోతుందనే విషయాన్ని మేము చెప్పిన సంగతి తెలిసిందే. ఈ నేపథ్యంలో ప్రభుత్వం నుంచి వచ్చిన ఒత్తిడికి ఇంటర్మీడియట్ బోర్డు రియాక్షన్ వచ్చింది. బోర్డు అధికారులు నీళ్లు నలుముతూ ఆదాబ్ కు ఓ వివరణ ఇచ్చే ప్రయత్నం చేశారు. మీరు రాసిన కథనంలో వాస్తవం లేదన్నట్టుగా చెప్పబోయారు. శ్రీ చైతన్య లాంటి మరెన్నో కార్పోరేట్ కాలేజీల్లో ఫీజుల నియంత్రణ చేయలేకపోయినట్లుగా ఒప్పుకున్నట్టు అర్థమవుతుంది.