పెట్టుబడుల వరద

తెలంగాణలో పెట్టుబడి పెట్టేందుకు పలు కంపెనీలు ఆసక్తి అమెరికాలో బిజీబిజీగా సీఎం రేవంత్

• వరుస భేటీలు.. ఒప్పందాలు

• ప్రతినిధులతో అధికారుల ఎంఓయూలు

• రాష్ట్రంలో ఆర్సీసియం కంపెనీ కార్యకలాపాలు

• ఐటీ దిగ్గజం కాగ్నిజెంట్ కొత్తగా కంపెనీని విస్తరించేందుకు ఓకే

• పెట్టుబడులపైనే ముఖ్యమంత్రి రేవంత్, మంత్రులు, అధికారుల దృష్టి

న్యూఢిల్లీ 06, ఆగస్టు (ఆదాబ్ హైదరాబాద్): తెలంగాణకు పెట్టుబడులే లక్ష్యంగా అమెరికాలో సీఎం రేవంత్రెడ్డి అండ్ టీమ్ వేట కొనసాగుతోంది. పెట్టుబడులు, ఒప్పందాలపైనే ఫోకస్తో ముందుకు దూసుకెళ్తున్నారు. బ్రేక్ఫాస్ట్ భేటీలు, లంచ్ మీటింగ్లతో అమెరికాలో బిజీబిజీగా గడుపుతోంది. మూడవ రోజు పర్యటనలో రోజంతా పెట్టుబడులు, ఒప్పందాల పైనే ఫోకస్ పెట్టగా.. పలు కంపెనీలతో ఎంఓయూలు జరిగాయి.రాష్ట్రానికి పెట్టుబడులే లక్ష్యంగా అమెరికా, దక్షిణకొరియా పర్యటనకు వెళ్లిన సీఎం.. ఐటీ, హెల్త్కేర్, మ్యానుఫ్యాక్చరింగ్ రంగాలకు చెందిన పలు కంపెనీల సీఈవోలు, ప్రతినిధులతో మీట్ అవుతున్నారు. ఐటీ దిగ్గజం కాగ్నిజెంట్ కొత్తగా కంపెనీని విస్తరించేందుకు ముందుకు రాగా.. మరోవైపు టెక్నాలజీ, సర్వీస్ సొల్యూషన్స్లో పేరొందిన ఆర్సీసియం కంపెనీ ఇంట్రెస్ట్ చూపింది. అలాగే కొన్ని కంపెనీలు తెలంగాణలో పెట్టుబడులు పెట్టేందుకు సై అన్నాయి.